02.07.2026 | 22:50
Հաստատվել է ՀՀ 2027-2029 թթ. պետական միջնաժամկետ ծախսերի ծրագիրը
«Բոլորիս ջանքերը, որոնք ուղղված են եղել նոր Հայաստան կերտելուն, վտանգված են». Թաթուլ Մանասերյան. ՏԵՍԱՆՅՈՒԹ
Քաղաքականություն
30.01.2019 | 15:43
«Կոռուպցիայի դեմ պայքարը, իհարկե, հռչակված է, բայց կոռուպցիան պետք է նկատեմ, որ միայն կաշառակերությունը չէ: Միայն էն դեպքերը չեն, որոնք բացահայտվել ու ի ցույց են դրվել: Կոռուպցիան, իմ խորին համոզմամբ, նաև սխալ նշանակումներն են, կամայական նշանակումներն են. առանց մրցույթի, առանց կենսագրություն, հետագիծ ունեցող մարդկանց պատասխանատու ոլորտներում նշանակումներն են»,- այս մասին այսօր լրագրողների հետ հանդիպմանն ասաց տնտեսագետ Թաթուլ Մանասերյանը՝ անդրադառնալով նոր իշխանությունների գործունեությանը։
Ըստ Մանասերյանի՝ այդ նշանակվածների կայացրած որոշումներն էլ ուղեկցվում են օրինախախտումներով:
«Ամբողջ գիտության համակարգը այսօր ողբալի վիճակի մեջ է: Եթե Հայաստանն ունի մրցակցային վառ արտահայտված ներուժ, դա մտավոր կարողությունն է, գիտությունն է: Եթե մենք էսպես ենք վերաբերվում գիտությանը, ապա ես չեմ կարծում, որ կարող ենք շատ շոշափելի արդյունքներ ունենալ մոտ ժամանակներս»,- շարունակեց տնտեսագետը:
Մանրամասները՝ տեսանյութում։
Շողիկ Գալստյան
