Հասարակություն
30.01.2019 | 14:56«Ես գտնում եմ, որ ամենամեղավորը դատարանն է, որովհետև, եթե դատարանում կալանքի հետ կապված իրականացնեին արդարադատություն, ոչ թե շաբլոնային ձևակերպում, թե` փախուստի կդիմի, կփախչի, ամեն ինչ այլ կլիներ։ Իսկ ՔԿՀ-ի մեղավորության մասին ասեմ, որ եթե անձը 10 օր հացադուլի մեջ է, նրան կարող էին քաղաքացիական հիվանդանոց տանել և այնտեղ բժշկական սպասարկում իրականացնեին»,- այսօր լրագրողների հետ հանդիպման ընթացքում անդրադառնալով 44 օր հացադուլի մեջ գտնվելուց հետո Մհեր Եղիազարյանի մահվան դեպքին, ասաց փաստաբան Արա Ղարագյոզյանը։
Փաստաբանը հավելեց․ «Եթե Հաց բերողին այդ վիճակին հասցնողները ենթարկվեին պատասխանատվության, այս դեպքը տեղի չէր ունենա։ Բայց ես հույս ունեմ, որ գոնե այս դեպքով կիրականացվի արդար քննություն»։
Մանրամասները՝ տեսանյութում։
Լիլիթ Շաբոյան
