30.05.2026 | 11:33
Անգլիայի հավաքականի ֆուտբոլիստը տեղափոխվել է «Բարսելոնա»․ ՏԵՍԱՆՅՈՒԹ
Հայաստանն աշխարհի ամենաանվտանգ երկրների ցանկում 62-րդն է
Քաղաքականություն
30.01.2019 | 14:37
Ամերիկյան Global Finance ամսագիրը հրապարակել է աշխարհի ամենաանվտանգ երկրների վարկանիշային աղյուսակը․ հայտնում է gfmag.com-ը։
Երկրների դասակարգումն ըստ մի քանի չափանիշի է կատարվել․ ռազմական հակամարտության հավանականություն, քաղաքացիների անվտանգության համար սպառնալիքի և տնտեսական զարգացման մակարդակ, ինչպես նաև բնական աղետի հավանականություն:
Հայաստանն աղյուսակում է 62-րդ տեղն է զբաղեցնում։ Վրաստանը 49-րդ տեղում է, Ադրբեջանը՝ 71-րդ, Իրանը՝ 77-րդ, իսկ Թուրքիան՝ 107-րդ: Ռուսաստանն իր անվտանգությամբ 108-րդ տեղում է:
Վարկանիշային աղյուսակի համաձայն՝ ամենաանվտանգ երկիրն Իսլանդիան է։ Երկրորդ տեղում Շվեյցարիան է, իսկ երրորդում՝ Ֆինլանդիան:
Առաջին տասնյակի մեջ են մտել նաև Պորտուգալիան, Ավստրիան, Նորվեգիան, Կատարը, Սինգապուրը, Դանիան և Նոր Զելանդիան:
ԱՄՆ-ն գրավել է 65-րդ հորիզոնականը՝ հանցավորության բարձր մակարդակի, ինչպես նաև բնական աղետների մեծ հավանականության պատճառով: Ամենավտանգավոր երկրներ են ճանաչվել Գվատեմալան, Եմենը և Ֆիլիպինները:
Նելլի Մելքոնյան
