22.04.2026 | 15:19
Սերգեյ Ռեբրովը հեռացել է Ուկրաինայի հավաքականի գլխավոր մարզիչի պաշտոնից
Ասել եմ այն, ինչ մտածում եմ. Կարասինը՝ Վաշինգտոնի շանտաժին դիմակայելու իր հայտարարության մասին. ՏԵՍԱՆՅՈՒԹ
Քաղաքականություն
30.01.2019 | 14:14
ՌԴ ԱԳ փոխնախարար Գրիգորի Կարասինն այսօր Երևանում լրագրողների հետ զրույցում խուսափեց պատասխանել Վաշինգտոնի շանտաժին դիմակայելու մասին իր հայտարարության վերաբերյալ հարցին:
Հարցին՝ ի՞նչ շանտաժ է նկատի ունեցել, որին Երևանը պետք է դիմակայի, Կարասինն արձագանքեց. «Ես ասել եմ այն, ինչ մտածում եմ»:
Նշենք, որ ռուսական լրատվամիջոցներից մեկին տված հարցազրույցում ՌԴ փոխարտգործնախարարն ասել էր, թե Մոսկվան հույս ունի, որ Հայաստանի նոր իշխանությունը քաջություն կունենա դիմակայել Վաշինգտոնի շանտաժին:
«Այս տարի Հայաստանում տեղի ունեցած արմատական փոփոխությունների ֆոնին երկրի ներքին և արտաքին քաղաքական գործերին Վաշինգտոնի միջամտությունն ավելի ու ավելի հանդուգն է դառնում: Հույս ունենք, որ Հայաստանի ներկա ղեկավարությունը, խորհրդարանական ընտրություններում անհրաժեշտ մանդատը ստանալով, քաջություն կգտնի դիմակայել անթաքույց արտաքին շանտաժին և ճնշմանը, կպնդի ինքնուրույն որոշումներ կայացնելու՝ իր ինքնիշխան իրավունքը՝ առաջնորդվելով ազգային շահերով»,- ասել էր Կարասինը:
Նելլի Մելքոնյան
