22.04.2026 | 15:19
Սերգեյ Ռեբրովը հեռացել է Ուկրաինայի հավաքականի գլխավոր մարզիչի պաշտոնից
Բանակցությունները շարունակելու մասով ԱՄՆ-ն խնդիր է տեսնում Ադրբեջանի հետ. Հովհաննես Իգիթյան. ՏԵՍԱՆՅՈՒԹ
Քաղաքականություն
30.01.2019 | 14:05
ԱՄՆ-ն, որպես ԵԱՀԿ Մինսկի խմբի համանախագահ երկիր, հասկանում է, որ բոլոր կողմերը պետք է ընդգրկված լինեն բանակցություններում: Հունվարի 29-ին Ազգային ժողովում լրագրողների հետ զրույցում այս մասին ասաց «Իմ քայլը» խմբակցության պատգամավոր Հովհաննես Իգիթյանը:
«Եթե նկատենք, նույնիսկ Լեռնային Ղարաբաղի կողմի հետ հանդիպում են, լսում են Լեռնային Ղարաբաղի իշխանությունների տեսակետը»,- հավելեց նա:
Նրա խոսքով՝ պետք է հասկանանք, որ ապրիլյան պատերազմից հետո բանակցություններն անհնար են եղել. «Ընդհանրապես սեղանի շուրջ որևէ կոնցեպտուալ բանի մասին խոսելը եղել է ոչ հարմար, ոչ հնարավոր, որովհետև պարզ էր, և Մինսկի խումբն էլ էր դա արձանագրում, որ եթե մի կողմն անընդհատ ագրեսիվ հայտարարություններով և գործողություններով խաթարում է բանակցությունները, դա անհնար է»:
Հովհաննես Իգիթյանը կարծում է, որ մթնոլորտ ստեղծելու և խաղաղ պայմաններում բանակցությունները շարունակելու առումով ԱՄՆ-ն խնդիրը տեսնում է Ադրբեջանի հետ:
«Որովհետև Հայաստանի կողմից նախաձեռնողական ագրեսիա կամ հարձակում երբեք չի եղել: Եվ նույնիսկ այն հանգամանքը, որ տարբեր ձևով փորձում են մեկնաբանել Հայաստանում, թե համանախագահները դիմել են ղեկավարներին, որ նրանք իրենց հասարակություններին պատրաստեն խաղաղությանը, ես այստեղ նույնպես տեսնում եմ առաջին հերթին հորդոր Ադրբեջանին»,- ասաց պատգամավորը:
Մանրամասները՝ տեսանյութում
