13.08.2026 | 21:01
Գլխավոր դատախազը վճռաբեկ բողոք է ներկայացրել Աջապահյանի գործով
Ինչպես սպանության ահասարսուռ կադրերը հայտնվեցին համացանցում․ Աշոտ Ահարոնյանը մանրամասնում է. ՏԵՍԱՆՅՈՒԹ
Հասարակություն
30.01.2019 | 12:53
Իոսիֆ Աղաջանովի սպանության կադրերը տրամադրվել է Ոստիկանությանը գրությամբ դիմած փաստաբանին։
Այս մասին այսօր հրավիրված մամուլի ասուլիսի ժամանակ՝ անդրադառնալով հարցին՝ ինչպե՞ս է սպանության կադրերի տեսանյութը հայտնվել համացանցում, ասաց ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը։
«Ես չգիտեմ, թե Նարեկ Մալյանը դա ինչպե՞ս է ձեռք բերել, սակայն հրապարակումից հետո մենք նայել ենք մեր քարտուղարությունը, տեսել ենք, որ գրությունն ուղարկել է փաստաբանը։ Մենք տրամադրել ենք փաստաբանին։ Ճշտեք՝ գուցե Նարեկ Մալյանը վերցրել է փաստաբանի՞ց կամ փաստաբա՞նն է տվել»,- ասաց Աշոտ Ահարոնյանը՝ նշելով, որ նման տեսանյութերը չեն տրամադրվում քաղաքացուն, իսկ եթե դիմողը գործով փաստաբանն է, ապա նրանց տրվում է։
«Եթե ոստիկանության արխիվում առկա է լինում, տրամադրում ենք։ Ամսվա մեջ բազմաթիվ փաստաբանների էլ տրամադրում ենք տեսանյութեր»,- ասաց Ահարոնյանը։
Հիշեցնենք, որ սպանված Աղաջանովի դին հայտնաբերելու ահասարսուռ կադրերը համացանում հրապարակել է նախկին ոստիկանապետի խորհրդական Նարեկ Մալյանը։
Մանրամասները՝ տեսանյութում։
Աղավնի Սուքիասյան
