13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Սլավոնական համալսարանում տեղի ունեցավ Գրիբոյեդովի կիսանդրու բացումը. ՏԵՍԱՆՅՈՒԹ
Մշակույթ
30.01.2019 | 12:50
Հայ-ռուսական Սլավոնական համալսարանում տեղի ունեցավ ռուս դրամատուրգ Ալեքսանդր Գրիբոյեդովի քանդակի բացումը: Հունվարի 30-ը ռուս մեծ դրամատուրգի մահվան 190-րդ տարելիցի օրն է։
Կիսանդրու հեղինակը ռուս քանդակագործ Գրիգորի Պատոցկին է։ Նրա խոսքով՝ քանդակը միանգամից է ծնվել և շատ կարճ ժամանակում։ «Գրիբոյեդովից ավելի ռուսական մարդ չէի կարող գտնել»,- անկեղծանում է Պատոցկին։
Նշենք, որ Գրիբոյեդովի կիսանդրու բացման արարողությանը ներկա էին Սլավոնական համալսարանի ռեկտոր Արմեն Դարբինյանը, ԱԺ «Իմ քայլը» խմբակցության ղեկավար Լիլիթ Մակունցը, «Լուսավոր Հայաստան» կուսակցության առաջնորդ Էդմոն Մարուքյանը, ինչպես նաև ՌԴ փոխարտգործնախարար Գրիգորի Կարասինը։
«Մեր երիտասարդությանը պետք է ցույց տանք, թե ինչ են նշանակում իսկական բարեկամությունն ու իսկական արժեքները։ Պետք է ցույց տալ, թե ինչպես է պետք գնահատել այն հզորագույն անձնավորությանը, որը մեծապես նպաստել է Արևելյան Հայաստանի տարածքում մեր ժողովրդի պահպանմանը»,- նշեց Արմեն Դարբինյանը։
Նելլի Մելքոնյան
