18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Կալիֆոռնիայում թուրքերը հայկական երկու դպրոցների վրա իրենց դրոշներն են կախել
Քաղաքականություն
30.01.2019 | 12:48
Լոս Անջելեսի հայկական երկու դպրոցներում արտակարգ դեպք է տեղի ունեցել. տեղի թուրքերը հայկական կրթօջախների վրա իրենց դրոշներն են կախել: Այս մասին տեղեկանում ենք Facebook-ի օգտատերերից մեկի գրառումից:
Կարճ ժամանակ անց արդեն թուրքական դրոշները փոխարինվել են հայկական եռագույններով: Նշենք, որ խոսքը հայկական երկու՝ Սրբոց Նահատակաց Ֆարահյան և Հայկական Բարեգործական ընդհանուր միության (ՀԲԸՄ) Մանուկյան-Դեմիրճյան վարժարանների մասին է:
Տեղի ոստիկանությունն ուսումնասիրում է հայկական դպրոցների հետ կապված միջադեպը՝ որպես ատելության հողի վրա կատարված հանցագործություն:
Դեպքին անդրադարձել է նաև ամերիկյան կոնգրեսական Ադամ Շիֆը՝ կատարվածը վանդալիզմ որակելով:
«Այս դպրոցներ հաճախում են Օսմանյան կայսրության կողմից իրագործված Հայոց ցեղասպանությունից մազապուրծների բազմաթիվ ժառանգներ: Ես հայ համայնքի կողքին եմ ատելության այս ակտ դատապարտման հարցում»,- Facebook-ում գրել է կոնգրեսականը:
