20.05.2026 | 08:55
Նարեկ Կարապետյանը թաքցրել է ՌԴ քաղաքացիություն ունենալու մասին տեղեկությունը. ՔԿ
Երբ 10 քաղաքացի է զոհվում, հարկավոր է պարզել՝ ինչ է տեղի ունեցել և ինչու. Փաշինյանը՝ Քոչարյանի դեմ հարուցված գործի մասին․ ՏԵՍԱՆՅՈՒԹ
Քաղաքականություն
29.01.2019 | 17:44
Երբ 10 քաղաքացի է զոհվում, հարկավոր է պարզել՝ ինչ է տեղի ունեցել և ինչու: Այս մասին ՀՀ վարչապետ Նիկոլ Փաշինյանն ասել է ՌԲԿ-ին տված հարցազրույցում՝ պատասխանելով հարցին՝ արդյո՞ք ճիշտ է նախկին նախագահ Ռոբերտ Քոչարյանի դեմ քրեական գործ հարուցելը տեղի ունեցած իրադարձություններից 10 տարի անց:
Նիկոլ Փաշինյանը նշել է նաև, որ վաղեմի գործեր են քննվում աշխարհի բազմաթիվ երկրներում:
«Ես մեկը մյուսի հետ չեմ համեմատում, բայց բազմաթիվ երկրներում, եթե չեմ սխալվում՝ նույնիսկ Ռուսաստանում, քրեական գործեր են քննվում՝ կապված Հայրենական պատերազմի հետ: Եթե խոսքը մարդկային կյանքերի մասին է, ապա, կարծում եմ, պետք չէ ինչ-որ սահմանափակումներ դնել: Բացի այդ՝ Հայաստանի Քրեական օրենսգրքով վաղեմության ժամկետ կա սահմանված, որն օրենքով է սահմանվում: Եթե քրեական գործը շարունակվում է, ապա, Հայաստանի Քրեական օրենքգրքի համաձայն, վաղեմության ժամկետը չի լրացել»,- նշել է վարչապետը:
Հարցին՝ կարելի՞ է ասել, որ իր համարա դա սկզբունքային գործ է, Նիկոլ Փաշինյանը պատասխանել է. «Ինձ համար չէ սկզբունքային գործ, կարծում եմ՝ Հայաստանի համար է դա սկզբունքային գործ: Երբ 10 քաղաքացի է զոհվում, չի կարող հենց այնպես անցնել, հարկավոր է պարզել՝ ինչ է տեղի ունեցել և ինչու»:
