15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Մեզ հաջողվել է Հայաստանում վերացնել մենաշնորհը. Փաշինյան․ ՏԵՍԱՆՅՈՒԹ
Քաղաքականություն
29.01.2019 | 17:37
Մեզ հաջողվել է Հայաստանում վերացնել մենաշնորհը: ՌԲԿ-ին տված հարցազրույցում վստահեցրել է ՀՀ վարչապետ Նիկոլ Փաշինյանը՝ պատասխանելով մենաշնորհների վերացման մասին հարցին, մասնավորապես՝ առևտրի ոլորտում:
«Հիմա մեզ մոտ ոչ մի խոչընդոտ չկա շուկայի հասանելիության առումով: Բոլոր գործարարները, բոլոր մարդիկ քաղաքական հնարավորությունների առումով նույնպիսի հասանելիություն ունեն, ինչպես մյուսները: Այդ պատճառով մենք ասում ենք, որ մեզ հաջողվել է Հայաստանում արմատախիլ անել մենաշնորհները»,- ասել է նա:
Բայց դա, ըստ Փաշինյանի, չի նշանակում, որ որևէ մեկը դադարել է ինչ-որ բան վաճառել, դա նշանակում է, որ մյուսները նույնպես կարող են մտնել այդ շուկաներ. «Նախկինում նման հնարավորություններ չկային: Հիմա այդ հնարավորությունները ոչ միայն կան, այլև երաշխավորված են»:
Նա նշել է, որ սրան հաջողվել է հասնել մեկ կանոնի՝ օրենքի շնորհիվ, որը նույնն է բոլորի համար: «Վարչապետ դառնալուց հետո ես հավաքեցի բոլոր գործարարներին և ասեցի՝ ընկերնե՛ր, այս պահից սկսած դուք ոչ մի կոռուպցիոն պարտավորվածություն չունեք: Վե՛րջ, սրանով ամեն ինչ ասված էր: Ոչ ոք ոչ մեկին ոչինչ չպետք է վճարի: Միակ պարտավորությունն օրենքով աշխատելն ու հարկերը վճարելն է»,- ասել է Նիկոլ Փաշինյանը:
Հարցին, թե կաշառք տալու փորձ չի՞ արվել, Փաշինյանը նշել է, որ ինչ-որ պահի նման փորձեր զգացի, որ կարող են ինչ-որ նվերներ մատուցելու փորձեր լինել. «Ես պարզապես իմ թիկնազորին հրահանգեցի, որ ոչ ոք չպետք է իմ աշխատասենյակ որևէ բան բերելու հնարավորություն չունենա՝ բացի փաստաթղթերից: Եվ այս կանոնը խստորեն պահպանվում է»:
