03.04.2026 | 13:17
Բուհերի ընդունելության 2026 թվականի առաջին փուլի ամփոփում․ ՈՒՂԻՂ
Վրաստանի պաշտպանության նախարարը կայցելի Հայաստան
Քաղաքականություն
29.01.2019 | 17:52
Թբիլիսիում Հայոց բանակի կազմավորման 27-ամյակի կապակցությամբ պաշտոնական ընդունելություն կայացավ: Միջոցառումը բացեց Վրաստանում ՀՀ դեսպանության ռազմական կցորդ Տիգրան Հովհաննիսյանը. գրում է aliq.ge-ն:
Պաշտոնական ընդունելության ժամանակ հնչած ելույթներում հիմնականում շեշտը դրվեց հայ-վրացական հարաբերությունները ավելի խորացնելու կարևորության վրա:
«Ալիք Մեդիայի» հետ զրույցում Վրաստանի պաշտպանության նախարար Լևան Իզորիան շնորհավորեց ՀՀ Զինված ուժերի 27-ամյակի կապակցությամբ.
«Այս տարիների ընթացքում մենք շատ ջերմ բարեկամական հարաբերություններ ունենք։ Ուզում եմ ընդգծել վերջին տարիներին մեր հարաբերություններում շփումների ակտիվացումը, ինչն արտացոլվում է բազմազգ վարժանքներին Հայաստանի ԶՈՒ-ի մասնակցությամբ: Մեզ ուրախացնում է, որ այս հարաբերություններն էլ ավելի կխորանան: Վերջերս հանդիպել եմ ՀՀ պաշտպանության նախարարի հետ, որը պատրաստակամություն է հայտնել ապագայում շարունակել ու խորացնել երկուստեք համագործակցությունը»:
Իզորիան ավելացրեց նաև, որ մոտ ապագայում ծրագրվում է նրա այցը Հայաստանի հանրապետություն:
«Ունենք զարգացման դրական դինամիկա, ինչն ապագայում մեր երկրների պաշտպանական ոլորտի համագործակցությունը խորացնելու հիմք է տալիս»,- ասում է Իզորիան:
Ընդունելությանը ներկա էր Վրաստանի պաշտպանության նախարար Լևան Իզորիան, նախարարի առաջին տեղակալ Լելա Չիքովանին, ԶՈՒ Գլխավոր շտաբի պետ, գեներալ-մայոր Վլադիմեր Չաչիբայան, պաշտապանության նախկին նախարար, գեներալ-լեյտենանտ Դավիթ Թևզաձեն, ՀՀ պաշտպանության նախարարի խորհրդական, գեներալ-լեյտենանտ Էնրիկո Ապրիամովը, ՊՆ և ԶՈՒ Գլխավոր շտաբի վարչությունների և ծառայությունների պետեր, Վրաստանի ԱԳՆ պաշտոնյաներ, Վրաստանում հավատարմագրված դիվանագիտական և ռազմադիվանագիտական կորպուսի ներկայացուցիչներ, ռազմական փորձագետներ, Վրաստանի խորհրդարանի հայազգի պատգամավորներ, հոգևոր դասի և վիրահայ համայնքային կառույցների մի շարք ներկայացուցիչներ:
