18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Ունենք խնդիր պետական համակարգում լավ կադրեր պահելու». Լիլիթ Մակունցը՝ պարգևավճարների չափի մասին. ՏԵՍԱՆՅՈՒԹ
Տնտեսություն
29.01.2019 | 16:34
«Իմ քայլը» խորհրդարանական խմբակցության՝ հունվարի 29-ին հրավիրված դռնփակ նիստի ժամանակ երկու հարց է քննարկվելու՝ պարգևավճարների և հարկային օրենգրքի հետ կապված։ Ազգային ժողովում լրագրողների հետ զրույցում այս մասին ասաց խմբակցության ղեկավար Լիլիթ Մակունցը։
«Այս պահին չեմ ուզում որևէ բան հրապարակել։ Այն ամենը, ինչ հանրային կերպով հնչեցվեց, իհարկե, մեզ մտածելու տեղիք է տալիս: Գտնում ենք, որ վերանայման կարիք կա: Պարգևավճարների ինստիտուտների հետ կապված վերանայման կարիք կա»,- ընդգծեց Լիլիթ Մակունցը։
Նա նշեց նաև, որ առաջիկայում կառավարության հետ կքննարկեն և կփորձեն հասկանալ, թե որտեղ է խնդիրը:
«Ընդ որում՝ այստեղ մի քանի խնդիր ունենք: Մի կողմից՝ չպետք է մարդկանց մոտ անարդարության զգացում լինի, մյուս կողմից՝ ունենք խնդիր պետական համակարգում լավ կադրեր պահելու»,- ասաց Մակունցը:
Մանրամասները՝ տեսանյութում
Նելլի Մելքոնյան
