19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Մենք ոչ թե Քոչարյանին ենք պաշտպանել, այլ՝ արդարադատությունը. Արմեն Ռուստամյան. ՏԵՍԱՆՅՈՒԹ
Քաղաքականություն
29.01.2019 | 15:30
Մենք ոչ թե պաշտպանել ենք Ռոբերտ Քոչարյանի՝ որպես անձի, մենք պաշտպանել ենք արդարադատությունը: Հունվարի 29-ին հրավիրված ասուլիսում ասաց ՀՅԴ Բյուրոյի նորընտիր նախագահ Արմեն Ռուստամյանը:
«Մենք Մարտի 1-ին եղել ենք, տեսել ենք՝ ինչ է կատարվում: Մենք երևույթը գնահատել ենք շատ հստակ: Ոչ թե Ռոբերտ Քոչարյանին պաշտպանել ենք՝ որպես անձի, մենք պաշտպանել ենք արդարադատությունը: Եվ մենք այդտեղ խնդիր ենք տեսնում. այն ձևով, որ մեղադրանքը ներկայացվել է Ռոբերտ Քոչարյանին, և հիմա արդեն մյուսներն էլ են արդեն ընդգրկվում, այսպես ասած, մայր գործին, սա մեզ մոտ մտահոգություններ է առաջացնում մեր երկրում արդարադատության իրականացման մասով»,- ասաց Արմեն Ռուստամյանը:
Նրա խոսքով՝ արդարադատությունը չպետք է ընտրովի լինի, չպետք է տպավորություն ստեղծվի, որ հաշվեհարդարի կամ վենդետայի նպատակ է հետապնդվում:
«Արդարադատությունը պետք է վերաբերվի նրան, որ բացահայտվեն 10 զոհերի մեղավորները, որի մասին մենք խոսել ենք: Այս ձևով, որ դրվում է մեղադրանքը, փորձ է արվում այդ խնդիրը երկրորդական դարձնել: Հասկանո՞ւմ եք՝ դրվում է մի մեղադրանք, որն ինքը պետք է դեռ ապացուցվի, հետո փնտրենք մեղավոր»,- ասաց Արմեն Ռուստամյանը:
Մանրամասները՝ տեսանյութում
