16.01.2025 | 16:15
ՀԱՄԱՍ-ը հայտարարել է հրադադարին հավատարմության մասին
Կփորձենք վերացնել ԵՏՄ-ում գոյություն ունեցող խոչընդոտները. Փաշինյանը՝ կառույցում ՀՀ-ի նախագահության մասին
Քաղաքականություն
29.01.2019 | 15:55
ԵՏՄ-ում Հայաստանի նախագահությունը խորհրդանշական է, բայց նաև առիթ է՝ կառույցում ավելի եռանդով աշխատելու և փորձելու նոր խթան և ուժ հաղորդել ԵՏՄ-ին: Մենք այդպես էլ տրամադրված ենք: ՌԲԿ-ին տված հարցազրույցում այս մասին ասել է ՀՀ վարչապետ Նիկոլ Փաշինյանը՝ պատասխանելով 2019 թվականի հունվարի 1-ից ԵՏՄ-ում նախագահությունը ստանձնելու մասին հարցին:
«Գլխավոր առաջնահերթությունը ԵՏՄ-ում առկա խոչընդոտները վերացնելն է: Ցավոք՝ Եվրասիական տնտեսական հանձնաժողովը հաշվարկել է, որ Եվրասիական տնտեսական համայնքի տարածքում ինտեգրվելու համար շուրջ 80 խոչընդոտ կա: Դրանք կապված են օրենսդրության, կարգավորումների հետ: Դե յուրե գոյություն ունեցող այս խոչընդոտներից բացի՝ կան նաև դե ֆակտո խոչընդոտներ: Եվ մեր գլխավոր նպատակն այդ խոչընդոտների գոնե որոշ մասը վերացնելն է»,- նշել է ՀՀ վարչապետը՝ հավելելով, որ եթե հաջողվի բոլոր խոչընդոտները վերացնել, շատ լավ կլինի:
Լրագրողի դիտարկմանը, թե, փաստորեն, ԵՏՄ-ում թավշյա հեղափոխություն կլինի, Նիկոլ Փաշինյանն ասել է՝ ԵՏՄ տարածքում այնքան էլ չեն գնահատում և սիրում «հեղափոխություն» բառը. «Այնպես որ՝ ես չեմ օգտագործի այդ բառը»:
