07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Հրանտ Մարգարյանի բացակայությունը մի մեկնաբանեք իբրև Բյուրոյի քաղաքականության մերժում. Ռուստամյան. ՏԵՍԱՆՅՈՒԹ
Քաղաքականություն
29.01.2019 | 14:58
Եթե Հրանտ Մարգարյանն իր թեկնածությունը բացառած չլիներ, ապա ՀՅԴ 33-րդ Ընդհանուր ժողովը, որպես Բյուրոյի անդամ, կընտրեր նաև նրան: Այս մասին այսօր լրագրողների հետ հանդիպմանն ասաց ՀՅԴ Բյուրոյի նորընտիր ներկայացուցիչ Հակոբ Տեր-Խաչատուրյանը:
Լրագորղներից մեկը հետաքրքրվեց՝ ՀՅԴ-ի սխալներն արդյո՞ք պայմանավորված էին Հրանտ Մարգարյանի գործունեությամբ, Խաչատուրյանը հակադարձեց. «Հրանտ Մարգարյանը ՀՅԴ Բյուրոյի ներկայացուցիչն էր վերջին 19-20 տարիներին: ՀՅԴ-ն չունի միանձնյա ղեկավարության շուրջ համախմբվելու սկզբունք: ՀՅԴ-ն միշտ գործել է հավաքական ղեկավարության սկզբունքով` իր բոլոր մարմիններում: Անշուշտ, անձնական խառնվածքի իմաստով, կարող են տպավորություններն այլ լինել, բայց իրականությունն այն է, որ որոշումները կայացված են եղել հավաքականորեն, զետեղված են Ընդհանուր ժողովների, ընդհանուր ռազմավարության մեջ: Ընդհանուր ժողովի որոշումներն էլ պարտադիր են բոլոր շարքային անդամների և մարմինների համար: Պետք է ասեմ, որ Հրանտ Մարգարյանը վայելում էր հարգանքը ոչ միայն Բյուրոյի կազմում` իր գործունեությամբ: Դրանից առաջ նա եղել է Հայաստանի ԳՄ անդամ և ղեկավար, Արցախի ազատամարտի մասնակից և Իրանի ու Լիբանանի միջև քաղաքացիական պատերազմների ժամանակ այդ համայնքների հայության պաշտպան»,- ՀՅԴ Բյուրոյի նորընտիր ներկայացուցիչը:
Մանրամասները՝ տեսանյութում:
