Քաղաքականություն
29.01.2019 | 13:33Այն, ինչ կատարվում է ՀՀ երկրորդ նախագահ Ռոբերտ Քոչարյանի հետ, մտահոգիչ է: Հունվարի 29-ին հրավիրված ասուլիսում ասաց ՀՀԿ խոսնակ էդուարդ Շարմազանովը:
«Առաջին իսկ օրից, երբ Ռոբերտ Քոչարյանի նկատմամբ քրեական գործ հարուցվեց, և նա առաջին անգամ ձերբակալվեց, ես նշել եմ, ինչպես նաև մեր կուսակցությունը նշել է, որ սա մտահոգիչ է։ Այո՛, կարծում եմ, որ երկրորդ նախագահ Ռոբերտ Քոչարյանի նկատմամբ իրականացվում է քաղաքական հետապնդում: Յուրի Խաչատուրովի հետ կապված էլ նույնն է»,- ասաց Էդուարդ Շարմազանովը:
Անդրադառնալով Մարտի 1-ի գործով բացահայտումներին՝ Շարմանզանովը նշեց, որ դրա հետ կապված իր կարծիքը չի փոխվել: «Մարտի 1-ի հիմնական պատասխանատուն Լևոն-Տեր-Պետրոսյանն է՝ իր քաղաքական աջակիցներով, որն այդ օրերին Հայաստանում սերմանել է ատելության և անհանդուրժողականության մթնոլորտ: Ես 2008-ին էլ եմ ասել, հիմա էլ եմ ասում: Ես չեմ ասում, որ այն ժամանակ իշխանությունները սխալներ չունեին, յուրաքանչյուր իշխանություն ունի սխալ, բայց եթե հարցնում եք իմ կարծիքը, ես այն ասացի»,- նշեց ՀՀԿ խոսնակը:
Մանրամասները՝ տեսանյութում
Աղավնի Սուքիասյան
