19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Հյուսիսային Իրաքում թուրք զինվորների գործողությունների հետևանքով խաղաղ բնակիչներ են զոհվել
Քաղաքականություն
29.01.2019 | 13:29
«Քրդստանի բանվորական կուսակցության» (ՔԲԿ-PKK) կանանց միությունը (KJK) հայտարարություն է տարածել Հյուսիսային Իրաքում տեղի բնակչության և թուրք զինվորների միջև գրանցված բախումների վերաբերյալ. փոխանցում է ermenihaber-ը:
Հունվարի 23-ին Թուրքիայի օդուժին պատկանող կործանիչները հերթական անգամ հարվածներ էին հասցրել Հյուսիսային Իրաքում Անկարայի կողմից ահաբեկչական համարվող «Քրդստանի բանվորական կուսակցության» (PKK) հենակետերի ուղղությամբ։ Քրդական աղբյուրների տեղեկություններով, այդ օպերացիայի ժամանակ զոհվել էր 4 խաղաղ բնակիչ։
Հայտարարության համաձայն ի նշան բողոքի, Թուրքիայի օդուժի գործողությունների դեմ Դոհուկ նահանգի Շելադիզե շրջանում տեղի բնակչությունը բողոքի ակցիա էր կազմակերպել, որի ժամանակ բախումներ են եղել նրանց և տեղանքում ծառայություն իրականացնող թուրք զինվորների միջև։
Թուրք զինվորների ձեռնարկած գործողությունների հետևանքով խաղաղ բնակչության շրջանում զոհվել է ևս 2 մարդ, 6 հոգի էլ վիրավորվել է։
Թուրքիայի արտգործանախարար Մևլութ Չավուշօղլուն տեղի ունեցած բախումների մեջ մեղադրել է PKK-ին, պնդելով, որ վերջինս է հրահրել բախումները։
