13.08.2026 | 20:20
Օգոստոսի 17-ից Սայաթ-Նովայի պողոտայի մի հատվածում տրանսպորտի կանգառն արգելվում է
Սահմանադրական կարգի տապալման փորձ արել են Լևոն Տեր-Պետրոսյանն ու իր աջակիցները. Քոչարյանի պաշտպան. ՏԵՍԱՆՅՈՒԹ
Հասարակություն
29.01.2019 | 12:26
ՀՀ երկրորդ նախագահ Ռոբերտ Քոչարյանի պաշտպաններից Ռուբեն Սահակյանը կարծում է, որ 2008 թվականին երկրում սահմանադրական կարգը տապալելու փորձ կատարվել է Լևոն Տեր-Պետրոսյանի և նրա շրջապատի կողմից:
Հունվարի 29-ին լրագրողների հետ զրույցում Սահակյանը նշեց, որ նրանց մասով քրեական հետապնդումը դադարեցվեց, քանի որ Քրեական օրենսգրքում փոփոխություն կատարվեց:
«Փոփոխությունը մտավ 2009 թվականի մարտին, և արդեն մարտի 31-ին դադարեցվեց քրեական հետապնդումն Ալեքսանդր Արզումանյանի և, եթե չեմ սխալվում, ևս վեց հոգու նկատմամբ»,- հավելեց փաստաբանը:
Նա պարզաբանեց, որ Քրեական օրենսգրքի 300-րդ հոդվածը վերափոխվեց և շարադրվեց նոր խմբագրմամբ՝ «Իշխանությունը յուրացնելը» հոդված՝ բաղկացած երկու մասից՝ «Իշխանությունը զավթելը» և «Իշխանությունը պահելը»:
«Թող այդ հոդվածով մեղադրանք առաջադրեն Ռոբերտ Քոչարյանին: Ինչո՞ւ չեն մեղադրում այդ հոդվածով: Չէ՞ որ Ռոբերտ Քոչարյանին մեղադրում են այն բանի մեջ, որ նա սահմանադրական կարգն է տապալել՝ յուրացնելով իշխանությունը: Մի՞թե կարդալ չգիտեն մեր իրավագետները, քննիչները, դատախազները: Ինչո՞ւ չեն փոխում մեղադրանքը»,- ասաց Ռուբեն Սահակյանը:
Մանրամասները՝ տեսանյութում
