22.04.2026 | 16:56
«Բոլորին դեմ եմ»-ը բաց է բոլորի հետ համագործակցության համար. Սպարտակ Կյուրեղյան․ ՏԵՍԱՆՅՈՒԹ
Այնպիսի տպավորություն է, թե դուք ուզում եք, որ ես անպայման կալանավորվեմ. Արմեն Գևորգյան. ՏԵՍԱՆՅՈՒԹ
Հասարակություն
29.01.2019 | 12:06
ՀՀ փոխվարչապետ, «Մարտի 1-ի» քրեական գործով մեղադրյալ Արմեն Գևորգյանն այսօր Վերաքննիչ քրեական դատարանում դատական նիստի ավարտից հետո լրագրողների հետ զրույցում ներկայացրեց դատարանի որոշումը։
«Դատարանը մերժեց երկու կողմերի բերած վերաքննիչ բողոքները և անփոփոխ թողեց Առաջին ատյանի դատարանի որոշումը»,- ասաց նա։
Լրագրողի դիտարկմանը՝ այսինքն ինքը չի՞ կալանավորվի, Արմեն Գևորգյանը կեսկատակ ասաց․ «Այնպիսի տպավորություն է, որ դուք ուզում եք ես կալանավորվեմ, և այս նորությունների մեջ ուզում եք բացասական երանգներ գտնել»։
Արմեն Գևորգյանը հրաժարվեց գնահատական տալ դատարանի որոշմանը։ Նա նաև նշեց, որ իրեն առաջադրված մեղադրանքից ու քրգործից ևս չի խոսի, քանի որ ունի պարտավորվածություն իր ունեցած տեղեկությունը չհրապարակելու։
«Ինձ գործի հետ առնչվող հարցեր մի տվեք, ես դրանց չեմ պատասխանելու, որովհետև ես պարտաճանաչ եմ, քննության գաղտնիքը հարգում և պահպանում եմ»,- ասաց Գևորգյանը՝ տեսակետ չհայտնելով նաև հարցի վերաբերյալ՝ արդյոք համամիտ է իշխանությունների այն տեսակետի հետ, թե «Մարտի 1-ի» գործը բացահայտվել է։
Հիշեցնենք, որ Արմեն Գևորգյանին մեղադրանք էր առաջադրվել «Մարտի 1-ի» քրեական գործի շրջանակում։ 2018թ.-ի դեկտեմբերի 14-ին Երևանի Նոր Նորք համայնքի ընդհանուր իրավասության դատարանը մերժել է ՀՀ նախկին փոխվարչապետ, անվտանգության խորհրդի քարտուղար Արմեն Գևորգյանին կալանավորելու մասին նախաքննական մարմնի միջնորդությունը։ Նախաքննական մարմինն էլ որոշումը բողոքարկել էր Վերաքննիչ դատարան։
Մանրամասները՝ տեսանյութում։
Աղավնի Սուքիասյան
