13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Առաջարկն ընդունել եմ. Վլադիմիր Կարապետյանը՝ Նիկոլ Փաշինյանի մամուլի խոսնակ
29.01.2019 | 11:50
ԱԳՆ նախկին խոսնակ Վլադիմիր Կարապետյանը ֆեյսբուքյան իր էջում արված գրառմամբ տեղեկացրել է, որ ընդունել է ՀՀ վարչապետի առաջարկությունը՝ գլխավորելու իր մամուլի ծառայությունը:
«Մի քանի օր առաջ ստացա վարչապետի առաջարկությունը՝ գլխավորելու իր մամուլի ծառայությունը: Եթե ասեմ՝ անսպասելի էր, ոչ մի բան ասած չեմ լինի: Ընդունեցի առաջարկությունը: Առաջին հերթին խորհրդակցեցի իմ համախոհ ընկերների հետ Կոնգրեսի գրասենյակում: Ավելորդ է ասել, որ ունեցա աջակցություն և լիակատար ըմբռնում:
Պետական ծառայությունը ենթադրում է որոշ գրված և չգրված սահմանափակումներ, դրանցից է կուսակցական գործունեությունը և ես որոշել եմ կասեցնել այն պետական ծառայության ընթացքում:
Ինձ համար պատիվ է վերադառնալ պետական ծառայություն: Շնորհակալ եմ վարչապետ Փաշինյանին նման առաջարկի համար»,- գրել է նա:
