08.06.2026 | 22:58
Հայտնի է նոր Ազգային ժողովի առաջին նիստի օրը
1 զոհ, 6 վիրավոր. Աբովյանի «Պարտեզ» ռեստորանային համալիրում կրակոցներ են հնչել. ՔԿ
Հասարակություն
29.01.2019 | 11:28
Հունվարի 29-ին` ժամը 01.30-ի սահմաններում, ահազանգ է ստացվել հրազենային վնասվածքներով 7 երիտասարդի՝ «Աբովյան» Բ/Կ տեղափոխվելու մասին, որոնցից մեկը եղել է մահացած։ Վերջինս Աբովյան քաղաքի բնակիչ է, ծնված՝ 1989թ.։ Մյուս տուժողներկ եւս Աբովյան քաղաքի բնակիչներ են. տեղեկացնում է ՀՀ քննչական կոմիտեն:
Ձեռնարկված անհետաձգելի միջոցառումների արդյունքում պարզվել է, որ նշված անձինք հրազենային վնասվածքներն ստացել են Աբովյան քաղաքի «Պարտեզ» ռեստորանային համալիրում ծագած վիճաբանության ժամանակ։
Անմիջապես դեպքի վայր է մեկնել քննչական-օպերատիվ խումբը։ Դեպքի վայրի զննությամբ հայտնաբերվել են տարբեր տրամաչափի պարկուճներ:
ՀՀ ՔԿ Կոտայքի մարզային քննչական վարչությունում հարուցվել է քրեական գործ, մշակվել է քննչական պլան, և ոստիկանության ստորաբաժանումների հետ համատեղ իրականացվում են մեծածավալ քննչական և օպերատիվ-որոնողական միջոցառումներ՝ դեպքի բոլոր հանգամանքները պարզելու համար։
Արդյունքների մասին տեղեկույթ կտրամադրվի պարբերաբար։
