07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Ես որևէ մեկից նեղացած չեմ, ես դեռ 2016թ.-ին եմ ասել, որ մեր երկրին կտրուկ փոփոխություն է պետք. Սեյրան Օհանյան. ՏԵՍԱՆՅՈՒԹ
Քաղաքականություն
28.01.2019 | 16:49
Սեյրան Օհանյանը վստահեցնում է, որ Հայաստանի նոր իշխանություններից նեղացած չէ: Պաշտպանության նախկին նախարարն այս մասին ասաց հունվարի 28-ին Բանակի օրվան նվիրված միջոցառումից առաջ լրագրողների հետ զրույցում:
Նա նշեց նաև, որ ողջունում է Հայաստանի ներկայիս դրությունը: «Ես դեռ 2016-ին եմ ասել, որ մեր երկրին պետք են փոփոխություններ, որոնք կտրուկ առաջընթացի պայմաններ կապահովեն»,- ընդգծեց պաշտպանության նախկին նախարարը։
Սեյրան Օհանյանը նաև շնորհավորեց զինվորներին ու ազատամարտիկներին՝ Հայոց բանակի կազմավորման օրվա կապակցությամբ՝ ընդգծելով, որ բանակի կազմավորման հարցում մեծ դեր ունեն ոչ միայն զինվորականները, այլև ամբողջ ժողովուրդը։
Անդրադառնալով իրեն առաջադրված մեղադրանքներին՝ Օհանյանը նշեց, որ դատաիրավական համակարգը և փաստաբանական խմբերն արդեն զբաղվում են այդ հարցով. «Մենք մեր կողմից հուշում ենք, թե ինչ անեն։ Կլսեն՝ լավ կլինի, չեն լսի՝ կփորձենք շարունակել պայքարը»,- նշեց նախկին նախարարը:
Մարտի 1-ի գործի վերաբերյալ էլ Սեյրան Օհանյանն ասաց, որ բանակը ներգրավված է եղել հետընտրական արտակարգ դրության մեջ, և դա եղել է արտակարգ դրության հրամանագրի ստորագրումից հետո։ Այդ ընթացքում, ըստ նրա, ոչ մի բախում չի եղել։
Մանրամասները՝ տեսանյութում
