16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
«Հայրենիքի պաշտպան». նախագահն ազդարարեց հաշմանդամություն ձեռք բերած զինծառայողների համար նոր ծրագրի մասին. ՏԵՍԱՆՅՈՒԹ
Հասարակություն
28.01.2019 | 14:30
Հայրենիքի պաշտպանի օրը ՀՀ նախագահ Արմեն Սարգսյանն ազդարարեց «Հայրենիքի պաշտպան» ծրագրի մեկնարկը։
«Ծրագիրը միտված է օժանդակելու այն անձանց, ովքեր վտանգել են իրենց կյանքը ծառայության ընթացքում և հաշմանամություն են ձեռք բերել։ Այդ անձանց թիվը, ցավոք, քիչ չէ, և այդ անձինք իրավունք ունեն ոչ միայն հարգվելու, սիրվելու, այլ շարունակելու մասնակից դառնալ մեր հասարակական, քաղաքական, տնտեսական կյանքին, հետևաբար՝ «Հայրենիքի պաշտպան» նախաձեռնությունը նպատակ ունի օժանդակել զինվորական ծառայության ընթացքում հաշմանդամության կարգ ստացած զինվորներին՝ աշխատանք գտնել։ Այսինքն՝ այս նախաձեռնությունը պետք է կապող օղակ լինի բանակի, նախագահի ինստիտուտի, համալսարանների, հասարակական կազմակերպություննրի, բարեգործական կառույցների և բիզնեսի միջև»,- Բանակի օրվան նվիրված միջոցառման ժամանակ ասաց Արմեն Սարգսյանը։
Նախագահը նշեց, որ այս ծրագրի շրջանակում պատրաստվում են ՀՀ նախագահականում աշխատանքի ընդունել հաշմանդամություն ունեցող 2-3 քաղաքացու։
«Այս ծրագրի առաջին բազեն մեր Գոռ Դարմանյանն է, որն ապրիլյան պատերազմի հերոսներից է, և այսօր աշխատում է նախագահի աշխատակազմում»,- ասաց Արմեն Սարգսյանը։
Մանրամասները՝ տեսանյութում։
Աղավնի Սուքիասյան
