18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Արմավիր» ՔԿՀ-ում դատապարտյալ է մահացել
Հասարակություն
28.01.2019 | 14:38
«Արմավիր» քրեակատարողական հիմնարկում դատապարտյալ է մահացել: Factor.am-ի հետ զրույցում այս մասին հայտնեց Քրեակատարողական ծառայության հանրային կապերի բաժնի պետ Նոնա Նավիկյանը:
Նա նշեց, որ հունվարի 27-ին «Արմավիր» ՔԿՀ-ում մահացել է դատապարտյալ Արմեն Նազարյանը, ով ազատազրկման էր դատապարտվել ՀՀ ՔՕ-ի 266-րդ հոդվածի 3-րդ մասի 2-րդ կետով նախատեսված արարք կատարելու համար (իրացնելու նպատակով թմրամիջոցներ, հոգեմետ նյութեր ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելն առանձնապես խոշոր չափերով):
«Նա նախկինում ևս դատապարտված է եղել՝ 6 անգամ։ Հունվարի 27-ի առավոտյան նրա ինքնազգացողությունը վատացել է, հրավիրվել է շտապօգնության խումբ, սակայն Արմեն Նազարյանը հրաժարվել է հոսպիտալացվել։ Երեկոյան կրկին դատապարտյալի ինքնազգացողությունը վատացել է, ժամը 23։30-ին շտապօգնության աշխատողներն այցելել են Նազարյանին և արձանագրել նրա կենսաբանական մահը»,- ասաց Նոնա Նավիկյանը։
Աղավնի Սուքիասյան
