03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Փարիզում «կարմիր շարֆերը» դուրս են եկել «դեղին բաճկոնների» դեմ
Քաղաքականություն
28.01.2019 | 14:07
Փարիզում նոր շարժում է սկսվել․ «կարմիր շարֆերը» դուրս են եկել «դեղին բաճկոնների» դեմ ՝ ի պաշտպանություն ժողովրդավարության և Ֆրանսիայի իշխանությունների․ հայտնում է Deutsche Welle-ն։
Կիրակի երեկոյան «կարմիր շարֆերն» իրենց առաջին ցույցն են անցկացրել՝ հակադրվելով «դեղին բաճկոնների» բողոքի շարժմանը։ Ցույցին 10 հազար մարդ է մասնակցել։ Մասնակիցները կրել են «Ես սիրում եմ իմ հանրապետությունը» կամ «Դադարեցրե՛ք բռնությունը» գրությամբ շապիկներ և ծածանել Ֆրանսիայի ու Եվրամիության դրոշը։
Գերմանական մամուլի գործակալությունը հայտնում է, որ «կարմիր շարֆերն» ուղղակիորեն չեն սատարում ֆրանսիական կառավարության վարած քաղաքականությունը, այդուհանդերձ հանդես են գալիս որպես ժողովրդավարության և իշխանության ինստիտուտների պաշտպաններ։
Հիշեցնենք, որ «դեղին բաճկոնների» ակցիաներն ի սկզբանե ուղղված են եղել վառելիքի գնի հնարավոր աճի դեմ և շարունակվում են արդեն 11 շաբաթ։ Այս հանգստյան օրերին նույնպես ցույցեր եղել։ Մասնակիցների թիվն, ըստ Ֆրանսիայի Ներքին գործերի նախարարության, ավելի քան 96 հազար է եղել։
