13.08.2026 | 19:30
Բուզանդի 1/3 հասցեում ծուխ է նկատվում. դեպքի վայր է մեկնել չորս մարտական հաշվարկ
Կան այն նախադրյալները, որի պարագայում դատավորը կարող է անկախ գործել․ Գագիկ Հարությունյան. ՏԵՍԱՆՅՈՒԹ
Հասարակություն
28.01.2019 | 13:04
Դատավորների նկատմամբ ճնշումների մասին խոսելով, ՀՀ Սահմանադրական դատարանի նախկին նախագահ, ՀՀ բարձրագույն դատական խորհրդի նախագահ Գագիկ Հարությունյանը նշեց, որ այդ հարցում հնարավոր է տարբեր տեսակետներ, մոտեցումներ լինեն, սակայն իրականությունն այլ է:
«Բարձրագույն դատական խորհուրդը բացառում է որևէ միջամտություն արդարադատությանը։ Մինչև հիմա որևէ դատական գործի, նույնիսկ տեղեկատվական առումով, չենք խառնվում։ Վստահ եմ, որ նույն վերաբերմունքն էլ քաղաքական իշխանությունների կողմից է։ Դատավորները նույնպես մարդիկ են և, հնարավոր է, սոցիալական որոշակի ազդեցության դաշտում են գտնվում»,- ընդգծեց Գագիկ Հարությունյանը։
Ըստ նրա՝ իրականության մեջ դատավորի անկախությունը միայն «հեռախոսային» չէ, և կան բոլոր նախադրյալները, որոնց պարագայում դատավորները կարող են լիարժեք անկախ գործել։ Այս պահին, Հարությունյանի խոսքով, առանձնացրել են 32 առաջնահերթություն, որոնց համակարգային լուծման պարագայում կարող են դատավորների աշխատանքի համար երաշխիքների դաշտ ստեղծել։
«Դատավորի աշխատանքին ցանկացած միջամտություն մտահոգիչ է։ Պետք բացահայտվի այդ միջամտության բնույթը։ Ցանկացած երևույթ, որը հանրային որոշակի կարծիք ստեղծող է, անթույլատրելի է»,- նշեց Գագիկ Հարությունյանը։
Անցումային արդարադատությանն անդրադառնալով, Գագիկ Հարությունյանը նշեց, որ անգամ համաշխարհային փորձի ուսումնասիրությունից հետո չի կարող հստակ ասել, թե այդ կառույցում ինչ աշխատանք է տարվելու։
Մանրամասները՝ տեսանյութում:
