22.04.2026 | 15:19
Սերգեյ Ռեբրովը հեռացել է Ուկրաինայի հավաքականի գլխավոր մարզիչի պաշտոնից
Դա պարտադիր պայման է. Վիտալի Բալասանյանը՝ Հայաստանի և Արցախի միջև ռազմական փոխօգնության համաձայնագրի մասին․ ՏԵՍԱՆՅՈՒԹ
Քաղաքականություն
28.01.2019 | 11:59
Արցախի անվտանգության խորհրդի քարտուղար Վիտալի Բալասանյանը Հայաստանի և Արցախի միջև ռազմական փոխօգնության համաձայնագրի ստորագրումը պարտադիր պայման է համարում։
«Միանշանակ, դա պարտադիր պայման է: Քիչ առաջ մենք խոսում էինք, որ ամեն ինչ պետք է անել փաստաթղթերով։ Հայաստանի և Արցախի միջև պետք է լինի այդ փաստաթուղթը։ Ես կողմնակից եմ դրան, և այդ մասին ժամանակին առաջարկել ենք ներկա իշխանություններին, այդ աշխատանքները գործընթացի մեջ են։ Դրական պատասխան է տրվել, և աշխատանքներ են տարվում այդ փաստաթղթի շուրջ»,- հունվարի 28-ին Եռաբլուրում անդրադառնալով ՀՅԴ-ի՝ սեղմ ժամկետում Հայաստանի և Արցախի միջև ռազմաքաղաքական դաշինքի ստորագրման մասին առաջարկին՝ ասաց Վիտալի Բալասանյանը։
Նա նշեց, որ այդ փաստաթուղթն անհրաժեշտ է նաև միջազգային իրավական դաշտում աշխատանքներ տանելու համար։
«Փաստաթուղթ պետք է լինի, որպեսզի մենք կարողանանք համապատասխան գործակցություն ծավալել զինված ուժերի, իրավապահ մարմինների, դատախազության, ԱԱԾ-ի և ոստիկանության միջև։ Այս ամեն ինչը պետք է կարգավորվի փաստաթղթով»,- ասաց Վիտալի Բալասանյանը։
Մանրամասները՝ տեսանյութում։
Աղավնի Սուքիասյան
