03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Նուբարաշեն» ՔԿՀ-ում այսօր մահացած Մհեր Եղիազարյանը 43-օրյա հացադուլից դուրս էր եկել հունվարի 17-ին. ՔԿԾ. news.am
Հասարակություն
26.01.2019 | 18:23
ՀՀ ԱՆ «Նուբարաշեն» քրեակատարողական հիմնարկում այսօր՝ հունվարի 26-ին, առավոտյան մահացած կալանավոր Մհեր Երամիշի Եղիազարյանը հացադուլ էր հայտարարել դեկտեմբերի 5-ին եւ դուրս էր եկել հացադուլից հունվարի 17-ին: Այս մասին NEWS.am-ի հետ զրույցում նշել է ԱՆ քրեակատարողական ծառայության մամուլի խոսնակ Տիգրան Տոնոյանը:
Նա ասել է, որ հացադուլ հայտարարելու դեպքում անմիջապես բժիշկներ են ժամանում եւ հացադուլավորը 24 ժամ գտնվում է բժիշկների հսկողության տակ. «Հացադուլը դադարեցնելուց հետո բավականին երկար ժամանակ անձը շարունակում է գտնվել դինամիկ բժշական հետազոտության տակ»:
Հարցին, թե որն է եղել մահվան պատճառը, նա պատասխանել է, որ այս պահին միայն հայտնի է, որ նա հանկարծամահ է եղել, իսկ պատճառների մասին հնարավոր կլինի խոսել միայն դատաբժշկական փորձաքննությունից հետո:
Հիշեցնենք, որ հունվարի 26-ին՝ ժամը 06։15-ի սահմաններում, ՀՀ ԱՆ «Նուբարաշեն» քրեակատարողական հիմնարկի կալանավորված անձ Մհեր Եղիազարյանի (ծնված 1968թ․, մեղադրվում էր ՀՀ քրեական օրենսգրքի 178 հ․ 2-րդ և 3-րդ մասերով, 38-34-312 հ․ 2-րդ և 3-րդ մասերով), ինքնազգացողության կտրուկ վատթարացման կապակցությամբ հրավիրվել է շտապօգնություն, որի կողմից ժամը 06։35-ի սահմաններում արձանագրվել է կալանավորված անձի կենսաբանական մահը։
Փաստի կապակցությամբ կատարվում է նախաքննություն, նշանակվել է դատաբժշկական փորձաքննություն։
