12.10.2026 | 11:13
Ավինյանը կարգադրեց տուգանել թեթև վթարից հետո 15 րոպեից ավելի ճանապարհը փակող վարորդներին․ ՏԵՍԱՆՅՈՒԹ
Բագրատաշենի անցակետը փակ է. առևտրականները բողոքում են ապրանքների մաքսազերծման նոր կարգի դեմ
Հասարակություն
26.01.2019 | 15:21
Բագրատաշենի մաքսային անցակետում արդեն մի քանի ժամ է բողոքի ակցիա են իրականացնում Թուրքիայից ապրանք ներկրող առևտրականները, նրանք փակել են անցակետը՝ բողոքելով ապրանքների մաքսազերծման նոր կարգի դեմ:
Նշենք, որ ԵՏՀ որոշմամբ հունվարի 1-ից առանց մաքսատուրքերի ու հարկերի վճարման ներմուծվող ապրանքների արժեքային չափը կրճատվել է 3 անգամ, իսկ կշիռը՝ 2 անգամ:
Նոր կարգավորման համաձայն` եթե ֆիզիկական անձինք ԵՏՄ մաքսային տարածք ներմուծեն անձնական օգտագործման ապրանք, որի արժեքը չի գերազանցում 500 եվրոյին համարժեք գումարը, իսկ քաշը` 25 կիլոգրամը, ապա որևէ գանձում չի կատարվի:
Չափաքանակները գերազանցելու դեպքում կիրառվելու է մաքսատուրքերի և հարկերի միասնական դրույքաչափ, այսինքն` ապրանքների արժեքի նկատմամբ 30%-ի չափով, բայց ոչ պակաս, քան 1 կիլոգրամի համար 4 եվրոյին համարժեք գումար նշված արժեքը կամ կշիռը գերազանցող մասի համար:
