30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Այն, որ Ադրբեջանը զինավարժություններ է անում, բնավ չի խոսում այն մասին, որ իր ժողովրդին խաղաղության է նախապատրաստում. Գ. Այվազյան
Քաղաքականություն
26.01.2019 | 16:00
Ադրբեջանը փորձում է համապատասխան խողովակներով իր ուզած տեղեկությունը փաթաթել հանրության պարանոցին, հող հանձնելու մասին հայտարարությունները դրանց շարքից են. այսօր հրավիրվածասուլիսի ընթացքում ասաց ադրբեջանագետ, «Ադրբեջանահայերի ասամբլեա» փախստականների ՀԿ նախագահ Գրիգորի Այվազյանը՝ անդրադառնալով Ադրբեջանին հող զիջելու մասին ռուս քաղաքագետ Ս. Տարասովի հայտարարությանը:
Նա նշեց, որ Արցախի հարցում Հայաստանում կոնսեսուս կա: «Այս դեպքում գործում է մեկ սկզբունք՝ հող հանձնողը կհանձնվի հողին, և թե´ ներկա, թե´ ապագա իշխանությունները չեն գնա ժողովրդի կամքի դեմ»,- ասաց նա:
Այվազյանը նշեց, որ թեև հիմա սահմանում հանդարտություն է. «Սակայն դա հանդարտություն է փոթորկից առաջ, ու Ադրբեջանը պատրաստվում և սպասում է հարմար պահի, որ հարձակվի: Իսկ ինչ վերաբերում է ժողովուրդներին խաղաղության պատրաստելու ԵԱՀԿ Մինսկի խմբի կոչերին, ապա այն, որ Ադրբեջանը ակտիվորեն զինավարժություններ է անում, դա բնավ չի խոսում այն մասին, որ Ադրբեջանը խաղաղության է նախապատրաստվում»:
