16.01.2025 | 13:07
«Ինձ ասել են` «Զարյա-3» կիրառվել է, թե` ոչ, չեմ կարող բացահայտել». ՄԻՊ․ ՏԵՍԱՆՅՈՒԹ
Նալբանդյան 28 հասցեում բռնկված հրդեհի հետևանքով տուժածներ չկան
26.01.2019 | 14:17
Նալբանդյան 28 հասցեում, որտեղ նախկինում տեղակայված էր ՀՀ տրանսպորտի, կապի և տեղեկատվական տեխնոլոգիաների նախարարության աշխատակազմը, հունվարի 26-ի առավոտյան հրդեհ է բռնկվել։
Ժամը 08.11-ին ԱԻՆ 911 ծառայությանը տեղեկություն է հաղորդվել, որ շենքի 2-րդ և 3-րդ հարկերում ծուխ է նկատվում։
Դեպքի վայր են մեկնել ԱԻՆ ՓԾ հրշեջ-փրկարարական ջոկատից վեց մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Հրդեհը մեկուսացվել է ժամը 08:32-ին, մարվել՝ 08:37-ին:
Պարզվել է, որ հրդեհը բռնկվել է շենքի 2-րդ հարկում գտնվող սենյակներից մեկում։ Հրդեհի պատճառը էլեկտրալարի կարճ միացումն է եղել:
Այրվել են սենյակի հատակի 1 քմ հատված, մեկ պահարան և մեկ սառնարան՝ մասամբ: Հրդեհի հետևանքով տուժածներ չկան:
