09.06.2026 | 16:30
Մինչև նոր կառավարության ձևավորումը 2 ամիս ունենք․ վարչապետ․ ՏԵՍԱՆՅՈՒԹ
Հայաստանը գների հեղափոխության է պատրաստվում, Փաշինյանն առաջարկում է վերանայել ԵՏՄ-ում էներգակիրների սակագները. «Կոմերսանտ»
Տնտեսություն
26.01.2019 | 11:35
ՀՀ վարչապետ Նիկոլ Փաշինյանի Մոսկվա այցն առաջին հայացքից Դավոսում անցկացված Համաշխարհային տնտեսական համաժողովից տունդարձի ճանապարհին մի փոքրիկ կանգառ էր թվում, սակայն Ռուսաստան նրա այցի նպատակը Եվրասիական տնտեսական հանձնաժողովի նիստում ելույթն էր. գրում է kommersant.ru-ն:
Ընթացիկ տարում ԵՏՄ անդամ ամենափոքր երկիրը՝ Հայաստանը, կառույցում առանցքային դերակատարում ունի: Նախ Տիգրան Սարգսյանն է ԵԱՏՀ կոլեգիայի նախագահը և երկրորդ՝ հունվարի 1-ից Երևանը ստանձնել է ԵՏՄ-ում նախագահությունը: Օգտվելով նման հարմար առիթից՝ Երևանը մտադիր է առաջ տանել իրեն ձեռնտու մի շարք նախաձեռնություններ: Դրանք երեկ Նիկոլ Փաշինյանը թվել է անդամ երկրների մյուս ղեկավարներին ուղղված իր ելույթում:
«Անհրաժեշտ է ակտիվացնել ջանքերը, որոնք ուղղված են համաձայնեցված էներգետիկ քաղաքականության իրականացմանը և էներգետիկ ռեսուրսների համար ոչ խտրական հիմքի վրա գնագոյացման զգայուն հարցի լուծմանը, ինչպես նաև դրանց տարանցիկ փոխադրմանը անդամ երկրների տարածքներով, այդ թվում՝ հաշվի առնելով տարանցիկ բաղադրիչները»,- ասել էր Նիկոլ Փաշինյանը: Նա նաև կարևոր խնդիր էր համարել «միության ներսում վստահության մակարդակի ամրապնդումը»:
Նախորդ տարվա վերջին Փաշինյանը բանակցում էր Պուտինի հետ՝ գազի ավելի ձեռնտու սակագնի հասնելու համար, սակայն Հայաստանի համար 2019 թվականի սկզբից գազը թանկացավ 10 տոկոսով. գործող 150 դոլարի փոխարեն կլինի 165 դոլար 1000 խմ համար։
Երեկ պատասխանելով լրագրողների հարցերին՝ Նիկոլ Փաշինյանը նշել էր՝ չնայած հայաստանցի սպառողների համար գազի սակագինը չի փոխվելու, սակայն Հայաստանի համար կարևոր է այս հարցին երկարաժամկետ լուծում տալը:
