03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Անգլիայի բանկը հրաժարվել է Նիկոլաս Մադուրոյի կառավարությանը վերադարձնել 1,2 մլրդ դոլար արժողությամբ ոսկու ձուլակտորները
Քաղաքականություն
26.01.2019 | 16:42
Անգլիայի բանկը հրաժարվել է Վենեսուելայի նախագահ Նիկոլաս Մադուրոյի կառավարությանը վերադարձնել 1,2 մլրդ դոլար արժողությամբ ոսկու ձուլակտորները, գրում է Bloomberg-ը:
Բանկը նման որոշում է կայացրել ամերիկացի բարձրաստիճան պաշտոնյաների՝ ԱՄՆ պետքարտուղար Մայք Պոմպեոյի և ԱՄՆ նախագահ Դոնալդ Թրամփի ազգային անվտանգության հարցերով խորհրդական Ջոն Բոլթոնի ճնշման ներքո:
ԱՄՆ-ը փորձում է աջակցել իրեն նախագահի ժամանակավոր պաշտոնակատար հռչակած Խուան Գուաիդոյին՝ Վենեսուելայի՝ արտերկրում գտնվող ակտիվները նրա ձեռքը տալով, որպեսզի մեծացնի կառավարությունն իր ձեռքը վերցնելու Գուաիդոյի շանսերը:
Վենեսուելայի կենտրոնական բանկի՝ արտասահմանում գտնվող պահուստային ընդհանուր գումարը 8 մլրդ դոլար է: Մնացած գումարի գտնվելու վայրն անհայտ է:
Նշվում է, որ Վենեսուելայի ոսկու որոշակի պաշար պահվում է Թուրքիայում, և ԱՄՆ-ը ջանքեր է գործադրում՝ համոզելու Թուրքիային, որը Ռուսաստանի և Չինաստանի հետ միասին Մադուրոյի առանցքային կողմնակիցն է, դադարեցնել ոսկու առաքումը:
