02.03.2026 | 14:54
Քոչարյանի գործով նախկին դատավոր Աննա Դանիբեկյանին հետապնդելու մեջ մեղադրվող Նարեկ Մաթաֆյանն ու Սարգիս Օհանջանյանն արդարացվել են
Վաշինգտոնը փորձում է քաղաքական ուղղակի վերահսկողություն իրականացնել Վենեսուելայում. Զախարովա
Քաղաքականություն
26.01.2019 | 12:34
ԶԼՄ-ների հաղորդմամբ՝ ԱՄՆ պետքարտուղար Մայք Պոմպեոն հայտարարել է, որ Էլիոտ Աբրամսին Վենեսուելայում ժողովրդավարության վերականգնման նպատակով պատասխանատու է նշանակում. ֆեյսբուքի իր էջում գրել է ՌԴ ԱԳՆ մամուլի քարտուղար Մարիա Զախարովան:
«Վաշինգտոնը փորձում է քաղաքական ուղղակի վերահսկողություն իրականացնել Վենեսուելայում: Իրաքում ժողովրդավարությունը «վերականգնեցին», Լիբիայում` նույնպես, Սիրիայում չկարողացան, իսկ ավելի ճիշտ, նրանց թույլ չտվեցին, հիմա էլ Վենեսուելան», – գրել է Զախարովան:
Հիշեցնենք, որ Վենեսուելայում հակակառավարական ցույցեր են տեղի ունենում ընդդեմ երկրի նախագահ Նիկոլաս Մադուրոյի իշխանության: Ավելի վաղ ընդդիմադիր խորհրդարանի նախագահ Խուան Գուաիդոն իրեն երկրի ժամանակավոր առաջնորդ էր հռչակել:
Հավելենք, որ ԱՄՆ-ի, Արգենտինայի, Կանադայի, Պերուի, Կոլումբիայի և մի շարք այլ երկրների իշխանություններն աջակցում են ցուցարարներին՝ պահանջելով Մադուրոյի հրաժարականը:
