15.12.2025 | 12:22
Մահացել է կոմպոզիտոր Լևոն Օգանեզովը
Հեղափոխության օրերին Ավանի ծեծկռտուքի գործով հարցաքննված Սամվել Ղումաշյանը վերանշանակվել է թաղապետի տեղակալ
Քաղաքականություն
25.01.2019 | 17:21
Հեղափոխության օրերին Ավան վարչական շրջանում ցույցերին մասնակցած քաղաքացիների վրա հարձակված և նրանց մեքենաները ջարդած աղմկահարույց միջադեպին ներկա Երևանի նախկին քաղաքապետ Տարոն Մարգարյանի մտերիմ ընկեր Սամվել Ղումաշյանը վերանշանակվել է Ավան վարչական շրջանի ղեկավարի տեղակալ:
Ըստ մամուլի՝ Սամվել Ղումաշյանը ապրիլի 22-ին տեղի ունեցած աղմկահարույց միջադեպի պարագլուխներից է:
Հեղափոխության օրերին տեղի ունեցած միջադեպերին, այդ թվում՝ նաև վերոնշյալ միջադեպին վարչապետ ընտրվելուց հետո կառավարության նիստերից մեկի ընթացքում անդրադարձել է նաև Նիկոլ Փաշինյանը՝ ոստիկանապետ Վալերի Օսիպյանին հանձնարարելով արագ բացահայտել բողոքի ցույցերի օրերին քաղաքացիների նկատմամբ բռնություն գործադրողներին, ցուցարարների ավտոմեքենաները ջարդողներին:
Ավելի ուշ, ոստիկանությունը հայտարարությամբ էր հանդես եկել՝ հրապարակելով ենթադրյալ հանցագործություն կատարած անձանց անվան և ազգանվան առաջին տառերը, որոնց թվում էր նաև Սամվել Ղումաշյանը:
ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը մեզ փոխանցեց, որ այդ գործով մեղադրանք է առաջադրվել երեք անձի, իսկ Սամվել Ղումաշյանը հարցաքննվել է որպես վկա։
Ինչ վերաբերում է Ավանի թաղապետ Արա Դանիելյանից պարզաբանում ստանալու մեր փորձերի, թե որ արժանիքի համար է Սամվել Ղումաշյանը վերանշանակվել, ապա դրանք անցան ապարդյուն։
Շողիկ Գալստյան
