24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Գազի գնի հարցով խորհրդակցությունների համար մեկ տարի ժամանակ ունենք. Փաշինյան. ՏԵՍԱՆՅՈՒԹ
Տնտեսություն
25.01.2019 | 15:13
Հայաստանի կառավարությունը չի սուբսիդավորելու գազի գինը ներքին սպառողի համար: Հունվարի 25-ին Մոսկվայում տեղի ունեցած ճեպազրույցում հայտարարել է ՀՀ վարչապետ Նիկոլ Փաշինյանը:
«Առայժմ խոսք է գնում այն մասին, որ 2019 թվականին գազի սակագինը սպառողների համար չի բարձրանա: Դա նշանակում է, որ մենք մեկ տարի ժամանակ ունենանք՝ Ռուսաստանի, «Գազպրոմ»-ի և ԵՏՄ-ի շրջանակում մեր գործընկերների հետ խորհրդակցությունները շարունակելու համար՝ երկարաժամկետ առումով այդ խնդիրը լուծելու համար»,- ասել է Նիկոլ Փաշինյանը:
Նրա համոզմամբ՝ ճիշտ կլինի հարցը լուծել ԵՏՄ-ի շրջանակում, քանի որ խոսքն ընդհանուր տնտեսական տարածության մասին է: «Ոչ մի ռեսուրսի մասին խոսք չկա: Այսինքն՝ 2019 թվականին Հայաստանի կառավարությունը ոչինչ չի սուբսիդավորի, ոչ մի ակտիվ չի փոխանցվի: Ամեն ինչ նախկինի պես կմնա: Պարզապես մենք ժամանակ կունենանք առավել մանրամասն քննարկել հարցը»,- հավելել է Նիկոլ Փաշինյանը:
Հիշեցնենք, որ անցյալ տարի ռուսական «Գազպրոմ» ընկերությունը հայտարարեց, որ իր դուստր ձեռնարկություն «Գազպրոմ Արմենիա»-ն գազը կգնի 1.000 խորանարդ մետրը 165 դոլարով՝ նախկին 150 դոլարի փոխարեն:
