22.04.2026 | 19:53
Ադրբեջանում դատարանը ռուս ծրագրավորողին 4 տարվա ազատազրկման է դատապարտել
Արցախի բացակայությունը բանակցային գործընթացից նշանակում է, որ որևէ իրական քայլ չի արվում․ Ռուբեն Սաֆրաստյան․ ՏԵՍԱՆՅՈՒԹ
Քաղաքականություն
25.01.2019 | 15:10
«Ես առանձնապես սպասումներ չունեմ, որ 2019 թվականին արցախյան հարցի բանակցային գործընթացը կստանա նոր զարգացում։ Չեմ կարծում, որ դրա համար կան նախադրյալներ։ Ամենակարևոր նախադրյալի բացակայությունն այն է, որ Ադրբեջանը չի փոխում իր մոտեցումը, իր քաղաքականությունը, իսկ դա նշանակում է, որ որևէ իրական բանակցային գործընթաց տեղի չի կարող ունենալ։ Բանակցային գործընթացը, իմ կարծիքով, կարող է իրական դառնալ միայն այն դեպքում, երբ դրան մասնակցի և որպես հիմնական մասնակից հանդես գա Արցախը․ սա է հուշում նմանատիպ հակամարտությունների կարգավորման վերաբերյալ պատմության փորձը։ Եթե երկու հիմնական կողմերը սեղանի շուրջ չեն նստում և բանակցում, նշանակում է հնարավոր չէ իրական գործընթաց իրականացնել։ Այնպես որ, ես չեմ կարծում, որ կտեսնեն իրական զարգացումներ արցախյան հարցում»,- այսօր հրավիրված մամուլի ասուլիս ժամանակ, անդրադառնալով Արցախի բանակցային գործընթացի խնդրին, ասաց Արևելագիտության ինստիտուտի տնօրեն Ռուբեն Սաֆրաստյանը։
Խոսելով Փաշինյան-Ալիև վերջին հանդիպումից ու ոուսաստանցի վերլուծաբան Տարասովի վերլուծությունից՝ Ռուբեն Սաֆրաստյանը նշեց, որ Տարասովն, ինչպես պարզվեց, իր վերլուծությունն արել է իր ենթադրությունների և զգացողությունների հիման վրա՝ չունենալով իրական տեղեկատվություն։
«Այնպես որ պետք է սպասել, Փաշինյանը երբ վերադառնա, կունենա հանդիպումներ քաղաքական շրջանակների հետ, որի ժամանակ էլ այդ հարցերը կպարզաբանվեն։ Ամեն դեպքում, ես համոզված եմ, որ Արցախի բացակայությունը գործընթացից նշանակում է, որ որևէ իրական քայլ չի արվում»,- ասաց Ռուբեն Սաֆրաստյանը։
Մանրամասները՝ տեսանյութում։
