18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Անկարգություններ Աթենքում. 133 մարդ է բերման ենթարկվել
Քաղաքականություն
25.01.2019 | 13:40
Աթենքի ոստիկանությունը Մակեդոնիայի անվանափոխության մասին համաձայնագրի դեմ անցկացվող ցույցից հետո առնվազն 133 մարդու է բերման ենթարկել: Ավելի ուշ 10 անձ ձերբակալվել է անկարգություններին մասնակցելու համար: Այս մասին գրում է Կոմերսանտը՝ վկայակոչելով Naftemporiki պարբերականը:
Ցույցն անցկացվել է Հունաստանի խորհրդարանի շենքի մոտ: Ուշ երեկոյան, երբ մամրդիկ սկսել են ցրվել, մի խումբ ցուցարարներ քարեր են նետել ոստիկանների ուղղությամբ, ի պատասխան՝ իրավապահներն արցունքաբեր գազ են կիրառել:
Դեռևս 2018 թվականի հունիսին Աթենքի և Սկոպյեի միջև կնքված համաձայնագրի նպատակն է լուծել երկու երկրների միջև բազմամյա վեճը, իսկ Մակեդոնիային հնարավորություն կտա անդամակցել ԵՄ-ին և ՆԱՏՕ-ին:
Նախկին հարավսլավական հանրապետությունը կկոչվի Հյուսիսային Մակեդոնիա, սակայն ցուցարարները դեմ են «Մակեդոնիա» անվանման օգտագործմանը:
Ակնկալվում է, որ այսօր՝ հունվարի 25-ին Հունաստանի խորհրդարանում Սկոպյեի հետ համաձայնագրի շուրջ քվեարկություն է անցկացվելու:
