15.12.2025 | 19:50
89 վարորդ տուգանվել է վարելիս նվագարկչի՝ ստանդարտին չհամապատասխանող լրացուցիչ ուժեղացուցիչներ օգտագործելու համար
ԱՄՆ-ում կարող է արտակարգ դրություն մտցվել. Սպիտակ տունը նախագիծ է մշակում
Քաղաքականություն
25.01.2019 | 12:42
Սպիտակ տան վարչակազմը նախագահ Դոնալդ Թրամփի համար նախագիծ է նախապատրաստում՝ ԱՄՆ-ում արտակարգ դրության ռեժիմ սահմանելու մասին հայտարարելու մասին: Այս մասին հաղորդել է CNN հեռուստաալիքը՝ վկայակոչելով փաստաթղթի նախագիծը, գրում է «Իզվեստիա»-ն:
Աղբյուրի փոխանցմամբ՝ դա Թրամփին թույլ կտա հասնել Մեքսիկայի հետ սահմանին պատի կառուցման համար ֆինանսավորում հատկացնելուն:
«Մեծ թվով անօրինական միգրանտները, որոնք ամեն օր ապօրինի մուտք են գործում ԱՄՆ, ուղղակիորեն սպառնում են երկրի անվտանգությանն ու արտակարգ դրություն ստեղծում»,- ասվում է փաստաթղթում:
Սպիտակ տունը պնդելու է 7 մլրդ դոլար հատկացնելու հարցում:
Հիշեցնենք, որ անցյալ տարվա դեկտեմբերի 22-ից ԱՄՆ կառավարության մի մասը ժամանակավորապես դադարեցրել է աշխատանքը: Պատճառն այն է, որ դեմոկրատ կոնգրեսականները չեն ցանկանում բյուջեից միջոցներ հատկացնել Մեքսիկայի հետ պատի կառուցման համար: Առանց ֆինանսավորման են մնացել 9 նախարարությունների 800 հազար աշխատակիցներ, որոնցից 300 հազարին չվճարվող արձակուրդ են ուղարկել:
Հավելենք, որ սա ԱՄՆ-ի պատմության մեջ կառավարության ամենաերկարատև «շաթդաունն» է:
