02.07.2026 | 17:43
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Մանվել Գրիգորյանը լրատվամիջոցից 3 մլն դրամի փոխհատուցում է պահանջում՝ իր պատիվն արատավորելու համար
Հասարակություն
25.01.2019 | 12:13
ԱԺ նախկին պատգամավոր Մանվել Գրիգորյանը Երևանի ընդհանուր իրավասության դատարան է դիմել ընդդեմ «Մաքսինֆո» լրատվամիջոցի՝ իր պատվին, արժանապատվությանը պատճառված վնասի հատուցման պահանջով:
Factor.am-ի հետ զրույցում փաստաբան Կարեն Ղոնյանը նշեց, որ իրենք հայցադիմումում երկու պահանջ են ներկայացրել, որոնցից մեկով պահանջում են, որպեսզի կայքը հերքի հրապարակված տեղեկությունը, մյուսով՝ պահանջում են փոխհատուցում․ «3 մլն դրամի փոխհատուցման պահանջ է դրված, պահանջի բավարարման դեպքում այդ գումարը փոխանցվելու է մանկատներից մեկին»։
«Առևտուր թուրքերի հետ․Մանվել Գրիգորյանի մասին ևս մեկ աղմկահարույց բացահայտում» վերնագրով հրապարակումը, որի պատճառով Մանվել Գրիգորյանի պաշտպանը հայցադիմում է ներկայացրել, մի կնոջ պատմություն է, որը պնդել է, թե 1991-1992 թվականներին Մանվել Գրիգորյանը 1500 ոչխար վաճառել է թուրքերին։
Պաշտպանը գտնում է, որ այս հրապարակմամբ Մանվել Գրիգորյանի պատվին, արժանապատվությանը վնասող անպատասխանատու հայտարարություններ են արվել, և հայցադիմումը կարող է նախադեպ դառնալ, որպեսզի նման հրապարակումները պակասեն։
Լիլիթ Շաբոյան
