02.07.2026 | 20:24
ՔՊ խմբակցության ղեկավարի թեկնածու է ընտրվել Արուսյակ Մանավազյանը. Նիկոլ Փաշինյան. ՏԵՍԱՆՅՈՒԹ
Պարտվել պետք է կարողանալ, դա է ուժ տալիս մարդուն․ Տիգրան Մանսուրյան. ՏԵՍԱՆՅՈՒԹ
Հասարակություն
25.01.2019 | 11:54
Երազանքներ ունեմ, որոնք այդպես էլ մնացին անկատար․ այսօր հրավիրված մամուլի ասուլիսի ժամանակ լրագրողների հետ անկեղծացավ կոմպոզիտոր, ՀՀ ժողովրդական արտիստ Տիգրան Մանսուրյանը։
«Շատ եմ ցավում, ես անգլերեն չսովորեցի, օտար լեզվի չտիրապետեցի։ Այն ժամանակ, ո՞վ կհավատար, որ մեկը քեզ կսովորեցնի օտար լեզու: Ավելի լավ է չխոսենք, թե ինչ է նշանակում օտար լեզու իմանալ սովետի տարիներին»,- ասաց Տիգրան Մանսուրյանը՝ նշելով, որ այսօր բացի ստեղծագործելուց կարդում է, փորձում է հասկանալ ի՞նչ է վիրտուալ իրականությունն ու ի՞նչ է մարդկությանը սպասում դրա հետ կապված։
«Հետաքրքրություններս շատ են, դրանցով փորձում եմ զբաղվել գիշերները, երբ ոչ մի զանգ չի լինում»,- ասաց մաեստրոն։
Խոսելով իր կյանքի հիասթափությունների մասին՝ կոմպոզիտորը նկատեց, որ դրանք հաղթահարելու համար պարտվել իմանալ է պետք։
«Ես տասը տարի տվել եմ Ֆոլքներին։ Այնպես, ինչպես նա է ինձ սովորեցրել իմանալ, թե ինչ է պարտվելը, ոչ մեկ չի սովորեցրել։ Պետք է կարողանալ պարտվել՝ հանուն հիմնականի, որ չկորցնես հիմնականի հետ քո կապը, քո հավատը, քո եռանդը։ Պարտվել պետք է կարողանալ, դա է ուժ տալիս մարդուն»,- ասաց ՀՀ ժողովրդական արտիստը։
Մանրամասները՝ տեսանյութում։
