16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Մխիթար Հայրապետյանը՝ Եվրանեսթի պատվիրակության ղեկավար. հայտնի է ամբողջ կազմը
Քաղաքականություն
24.01.2019 | 17:50
ԱԺ պատգամավոր, ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը գլխավորելու է Եվրանեսթ խորհրդարանական վեհաժողովում ՀՀ Ազգային ժողովի պատվիրակությունը:
Այս մասին Factor.am-ին փոխանցեցին «Իմ քայլը» խմբակցությունից:
Այսօր տեղի է ունեցել Ազգային ժողովի խորհրդի նիստ, որի արդյունքում ձևավորվել է Արևելյան գործընկերության խորհրդարանական վեհաժողովում (Եվրանեսթ) Ազգային ժողովի յոթերորդ գումարման պատվիրակության կազմը:
ԱԺ գիտության, կրթության, մշակույթի, սփյուռքի երիտասարդության և սպորտի հարցերի մշտական հանձնաժողովից էլ մեզ փոխանցեցին, որ պատվիրակության կազմում են նաև «Իմ քայլ»-ից Արման Եղոյանը, Միքայել Զոլյանը, Հերիքնազ Տիգրանյանը, Էդգար Առաքելյանը, Կորյուն Մկրտչյանը և Գայանե Աբրահամյանը: «Բարգավաճ Հայաստան» խմբակցությունից էլ ընդգրկվել են Վահե Էնֆիաջյանն ու Նորա Առուստամյանը, իսկ «Լուսավոր Հայաստան» խմբակցությունից՝ Տարոն Սիմոնյանը:
Նշենք, որ մի քանի օր առաջ էլ ձևավորվել էր ԵԽԽՎ պատվիրակության կազմը: Այն ղեկավարում է ԱԺ պատգամավոր, ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը: Կազմում են նաև Նաիրա Զոհրաբյանը, Հովհաննես Իգիթյանը, Սոս Ավետիսյանը, Միքայել Մելքումյանը:
Հայկ Վարդանյան
