03.04.2026 | 19:35
Կայացել է ՀՀ-ԱՄՆ աշխատանքային խմբի երրորդ հանդիպումը
Շիրակի մարզում նկատել են ռուսական տանկերի տեղաշարժ և անհանգստացել. ՏԵՍԱՆՅՈՒԹ
24.01.2019 | 17:07
Ֆեյսբուքյան օգտատեր Արմեն Հայրապետյանը իր էջում տեսանյութ է հրապարակել, թե ինչպես են Գյումրիում տեղակայված 102-րդ ռազմաբազայի տանկերը և այլ զինտեխնիկա շարասյունով ընթանում:
Հրապարակած կադրերից պարզ է դառնում, որ ռուսական տանկերն ընթանում են Շիրակի մարզի Կապս համայնքի մոտակայքով: Օգտատերերի շրջանում անհանգստություն է առաջացել, թե ինչ նպատակով է այդ զինտեխնիկան գտնվում այդ տարածքում:
102-րդ ռազմաբազայի մամուլի ծառայությունը Factor.am-ի զանգերին չպատասխանեց: Սակայն Շիրակի մարզպետարանի տեղական ինքնակառավարման և հանրապետական գործադիր մարմինների հարցերով վարչության պետ Արամ Անտոնյանը Factor.am-ի հարցին ի պատասխան նշեց, որ այդ տարածքը նախատեսված է ռուսական ռազմաբազայի զորավարժությունների համար:
«Դա իրենց տարածքն է, իրենք այդտեղ միշտ զորավարժություններ են անում: Իրենց կողմից տեղաշարժ եղել է, բայց ահազանգ չի եղել, որ մի բան այն չեն անում: Այդ տարածքը գտնվում է Կապս, Վահրամաբերդ և Հովունի համայնքների հարևանությամբ, որը կոչվում է «Կամխուդ»»,- ասաց Արամ Անտոնյանը:
Factor.am-ը կշարունակի ջանքերը՝ կապ հաստատելու ռուսական ռազմաբազայի մամուլի ծառայության հետ:
Հայկ Վարդանյան
