09.06.2026 | 21:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
Վորոնեժում վթարված միկրոավտոբուսը հայկական համարանիշով չի եղել. ԱԳՆ-ն հերքում է
24.01.2019 | 13:43
ՌԴ Վորոնեժի մարզում վթարի ենթարկված միկրոավտոբուսը հայկական չէ: Պատահարի հետևանքով տուժածների թվում հայեր կամ ՀՀ քաղաքացիներ չկան: Factor.am-ի հետ զրույցում այս մասին ասաց ՀՀ ԱԳՆ մամլո խոսնակ Աննա Նաղդալյանը:
Նշենք, որ ռուսական լրատվամիջոցները տեղեկություն էին տարածել ՌԴ Վորոնեժի մարզում ճանապարհային պատահարի մասին: ՏԱՍՍ-ի տվյալներով՝ բախվել են հայկական համարանիշով Mercedes միկրոավտոբուս և Pegarus ավտոբուս: Գործակալությունը հայտնել էր նաև մեկ զոհի և երեք վիրավորի մասին:
«Միկրոավտոբուսը հայկական համարանիշերով չի եղել: Այն եղել է ադրբեջանական համարանիշով, ընթացել է Մոսկվա-Բաքու երթուղով, վթարի հետևանքով զոհված վարորդն էլ ադրբեջանցի է»,- մեզ հետ զրույցում ասաց Աննա Նաղդալյանը:
