12.03.2026 | 23:35
Վթար Երասխ-Երևան ավտոճանապարհին․ կան տուժածներ
Հայաստանը «Կալաշնիկով»-ից նորագույն ինքնաձիգեր կգնի
Տնտեսություն
24.01.2019 | 12:43
Հայաստանն առաջին երկիրը կլինի, որը նոր «Կալաշնիկով» ինքնաձիգեր կգնի: «Կոմերսանտ»-ին տված հարցազրույցում այս մասին հայտնել է «Կալաշնիկով» կոնցեռնի Վլադիմիր Դմիտրիևը:
Նա խոսել է ամերիկյան և եվրոպական պատժամիջոցների պայմաններում կոնցեռնի գործունեության մասին՝ նշելով, որ չնայած շուրջ հինգ տարի շարունակվող սահմանափակումներին՝ 2018 թվականը նոր արտադրանքի առումով բարեհաջող տարի է եղել:
Կոնցեռնի նոր մշակումների թվում է նաև ԱԿ-12 և ԱԿ-15 ինքնաձիգերը. առաջին տեսակից փոքր խմբաքանակով ձեռք կբերի նաև Հայաստանը:
«Առայժմ կարող եմ ասել, որ Հայաստանն առաջին երկիրը կլինի, Ռուսաստանից բացի, որն ԱԿ-12 կգնի: Պայմանագիրը ստորագրված է, առայժմ փոքր խմբաքանակ ենք պատրաստում՝ շուրջ 50 ինքնաձիգ: Կտեսնեն, կփորձարկեն և, հույս ունենք, կշարունակել գնել»,- ասել է «Կալաշնիկով» կոնցեռնի ղեկավարը:
