02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Ես չգիտեմ՝ ինձ ինչքան են փոխանցել քարտի վրա. Արթուր Մեսչյանը՝ պարգևավճարների թեմայով. ՏԵՍԱՆՅՈՒԹ
Հասարակություն
24.01.2019 | 12:25
«Հեղափոխությունից հետո իրավիճակ է փոխվել, և մարդիկ «նստում են» միայն իրենց աշխատավարձի վրա: Երևանի քաղաքաշինության վարչությունում, օրինակ, մինչև երեկոյան տասը աշխատում են, էս ընթացքում 42 000 գործ է նայվել: Հիմա, եթե հնարավորություն կա 13-րդ աշխատավարձ տալ Նոր տարվա շեմին, էդ մարդիկ ստանան որոշակի գումար, դրա մեջ ինչ-որ վատ բան կա՞: Ես կարծում եմ՝ ոչ»,- անդրադառնալով Երևանի քաղաքապետարանի աշխատակիցներին տրված պարգևավճարների թեմային, ասաց Երևանի գլխավոր ճարտարապետ Արթուր Մեսչյանը:
Նա մեկնաբանեց նաև կարճ ժամանակ աշխատած, բայց պարգևավճար ստացած աշխատակիցների թեման. «Ես սուտ չեմ խոսում, որովհետև հավես չունեմ: Ես չգիտեմ՝ ինձ ինչքան են փոխանցել քարտի վրա, բայց ես գիտեմ՝ ինչ եմ արել դա: Իսկ թե ինչ եմ արել այդ գումարը, ես ձեզ չեմ ասի: Ես ինչով եմ զբաղվում որպես բարեգործ, չեմ խոսի դրա մասին: Էդ գումարը ոնց եկավ, նենց էլ գնաց: Չի նշանակում, որ այդ գումարի փոխանցվելուց հետո ես մեկսենյականոց բնակարանից տեղափոխվել եմ չորսսենյականոց: Ես հանգիստ գիշերը քնում եմ, միգուցե նույն բանը արել են նաև մյուս վարչությունների պետերը: Էդ գումարը, որ ստացա, որևէ բարոյական բեռ ինձ վրա չեղավ, ես պետությունից փող չեմ ուզում»,- ասաց պարոն Մեսչյանը՝ ընդգծելով, որ պարգևավճարների շուրջ աղմուկը շատ է:
Մանրամասները՝ տեսանյութում:
