28.04.2026 | 18:52
Կարմիր անձնագիր՝ առանց Արարատի․ ինչ կտա այն․ ՏԵՍԱՆՅՈՒԹ
Արթուր Մեսչյանը Արամի 23-ի հարցը փակված է համարում. կա նորություն. ՏԵՍԱՆՅՈՒԹ
Տնտեսություն
24.01.2019 | 11:30
Այսօր Երևանի քաղաքապետարանում պաշտոնավարման 100 օրն ամփոփեց քաղաքի գլխավոր ճարտարապետ Արթուր Մեսչյանը:
«Հասկացա, որ գլխավոր ճարտարապետը պիտի զբաղվի ամեն ինչով: Մի քանի օր առաջ ինձ նամակ էր եկել նկարներով, որ քաղաքի ինչ-որ մասում կենդանու միսը թափված է գետնին և ինձ քննադատում էին դրա համար: Կներեք, բայց դա իմ գործառույթից դուրս է: Ճաշակեցի և՛ քեն, և՛ ոխ, ու շատ հետաքրքիր իրավիճակներ եղան: 4 200 քաղաքաշինական գործ է նայվել, քսանից 20-22 քանդման թույլտվություն է տրվել: Երևանում շատ շուտով ակտիվ շինարարություն կսկսվի հատկապես բնակելի շինությունների ոլորտում»,- քաղաքապետարանում հրավիրված ասուլիսի ընթացքում ասաց Երևանի գլխավոր ճարտարապետ Արթուր Մեսչյանը:
Նա անկեղծացավ՝ հարյուր օրվա մեջ հասկացել է՝ ինչ չի կարելի անել ոչ մի դեպքում, և ինչ պիտի անի. «Ես այս երկուսուկես տարվա մեջ գիտեմ ինչով եմ զբաղվելու»:
Պարոն Մեսչյանը խոսեց Երևանում մետրոպոլիտենի նոր կայարան կառուցելու մասին: Երկրորդ կարևոր ստրատեգիական ծրագիրը Նորքի ճոպանուղին է, որի իրականություն դարձնելն ավելի շուտ տեղի կունենա, քանի որ, ըստ պարոն Մեսչյանի, դրամական ավելի համեստ միջոցներ են պահանջվում:
«Որոշված է վերադարձնել Երևան քաղաքին օպերային հարող առաջին գոտին՝ սրճարանները դուրս կհանվեն: Խնդիր կա երևանցիներին վերադարձնել կանաչ տարածքը: Օպերան խեղդվեց այդ օղակով, խեղդվեց: Սխալ մեկնաբանություն կա, որ օպերայի շուրջ կանաչ տարածքի վերադարձը իմ կամ քաղաքապետի ծրագիրն է: Բոլոր երևանցիներն են ուզում, որ օպերայի մի մասը կրկին կանաչապատվի: Զարմանալի է, որ երբ կա հնարավորություն կանաչ տարածքը վերադարձնել, խոսակցություններ են առաջ գալիս: Կարծում եմ՝ սեփականատերերի մեծ մասը կհասկանա, որ սա երևանիցների պահանջն է: Ես կարծում եմ, որ այս ծրագիրը կարող ենք իրագործել: Խոսքը չի գնում միայն առաջին գոտու կանաչապատման մասին, այլ օրինակ՝ օպերայի շենքի ճակատամասին լուսավորության նոր համակարգ տեղադրել և տարածքը բարեկարգել»,- ասաց նա:
Արթուր Մեսչյանը Արամի 23-ի հարցը համարում է փակված. «Այսօր ստորագրվել է պայմանագիր Արամի քսաներեքի իրացնողի հետ, կառուցապատողը կտա 14 միլիոն դրամ, իրտալացի ճարտարաետ Լուչիո Պեցցին կպատրաստի տարածքի վերականգնման նախագիծ: Ես կարծում եմ, որ բոլոր կողմերը հիմա հանգիստ կլինեն: Քաղաքապետարանն այստեղ որևէ առնչություն չունի: Իմ անձնական և քաղաքապետարանի որոշումն է, որ ոչ մի հուշարձան Երևանում չի քանդվելու: Իմ պատասխանատվությունը միայն դա է»:
Մանրամասները՝ տեսանյութում:
