28.09.2026 | 14:12
Գերիների վերադարձ որպես պահանջ չեն ներկայացնում, այլ ակնկալում են․ ակնհայտ է խոսույթի փոփոխությունը․ Աննա Մելիքյան․ ՏԵՍԱՆՅՈՒԹ
Ուկրաինայում ՀՀ դեսպանությանը կից ռազմական կցորդ կունենանք
Քաղաքականություն
24.01.2019 | 10:51
Հայաստանը Ուկրաինայում ՀՀ դեսպանությանը կից ռազմական կցորդ կունենա։ Համապատասխան որոշման նախագիծն ընդգրկված է Կառավարության հունվարի 24-ի նիստում, չզեկուցվող հարցերի շարքում:
Հարցը գործադիրի հավանությանն է ներկայացրել պաշտպանության նախարարությունը:
Ըստ առաջարկվող նախագծի՝ Ուկրաինայում ՀՀ ռազմական կցորդի առկայության պարագայում հնարավորություն կընձեռվի նոր լիցք հաղորդել հայ-ուկրաինական ռազմական, ռազմաքաղաքական ու ռազմատեխնիկական կապերին՝ զարգացնելով նշված ուղղություններով հայ-ուկրաինական համագործակցությունը, տեղում և ժամանակին տիրապետել և արձագանքել ինչպես ՀՀ շահերին առնչվող գործընթացներին, այնպես էլ պաշտոնական ու այլ խողովակներով շրջանառվող ռազմաքաղաքական տեղեկատվությանը:
Միաժամանակ, նախագծի հիմնավորման համաձայն, Ուկրաինայում ՀՀ ռազմական կցորդություն հիմնելու դեպքում հնարավորություն կընձեռվի հետևել արևելաեվրոպական երկրներում ընթացող ռազմական և ռազմաքաղաքական զարգացումներին և գործընթացներին:
