09.11.2026 | 23:30
Որքան զբոսաշրջիկ է Հայաստան այցելել հոկտեմբերին. կոմիտեն տվյալներ է հրապարակել
Գերմանիան ու Ֆրանսիան նոր համագործակցություն են սկսում ռազմական ոլորտում
Քաղաքականություն
23.01.2019 | 17:31
Գերմանիայի Ախեն քաղաքում Ֆրանսիայի նախագահ Էմանուել Մակրոնը և Գերմանիայի կանցլեր Անգելա Մերկելը համագործակցության նոր պայմանագիր են կնքել:
Երկու ղեկավարների միջև կնքված պայմանագիրը ստացել է «Անխենի համաձայնագիր» անվանումը:
Պայմանագիրը դրույթներ է պարունակում արտաքին քաղաքականության, տնտեսության, պաշտպանության և անվտանգության, մշակույթի ու կրթության, կլիմայի և սահմանամերձ տարածքների բնագավառում երկու երկրների միջև կապերի ամրապնդման վերաբերյալ:
Գերմանիայի կանցլերը նշել է, որ երկու երկրների դեմ զինված հարձակման դեպքում միացյալ ուժերով պայքարելու են իրենց անվտանգությունն ապահովելու համար:
Մերկելը նաև ընդգծել է, որ արդեն անհրաժեշտ է Ֆրանսիայի հետ համատեղ ձևավորել ռազմական մշակույթ, պաշտպանական արդյունաբերություն և համատեղ զենքի վաճառքի քաղաքականություն զարգացնել:
«Այդպիսով եվրոպական բանակ ձևավորելու համար երկու երկրների վրա ընկած պարտավորությունները կիրագործվեն»,-ասել է կանցլերը:
