18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Սիրիայում երեխաներ են մահանում. քաղհասարակությունը ՀՀ իշխանություններին օգնության ձեռք մեկնելու կոչ է անում
Հասարակություն
23.01.2019 | 16:17
Հայաստանի քաղաքացիական հասարակության ներկայացուցիչների կոչը ՀՀ քաղաքացիներին և իշխանություններին՝ Սիրիայում փախստականների ճամբարներում ստեղծված մահաբեր իրավիճակի կապակցությամբ
Ըստ միջազգային լրատվամիջոցների՝ Սիրիայի հարավ-արևելյան մասում փախստականների ճամբարներում ապրող 15 երեխա է մահացել ցրտահարությունից: Եվ այդ մահերի թիվը կարող է աճել: Մենք՝ Հայաստանի քաղաքացիական հասարակության ներկայացուցիչներս, կարծում ենք, որ այս դժբախտությունը չի կարող անտարբեր թողնել հայ ժողովրդին: Երեխանե՛ր են մահանում: Էլ չենք խոսում այն մասին, որ Սիրիայի ժողովուրդը միշտ էլ եղել է հայ ժողովրդի բարեկամը, ինչը արտահայտվել է ոչ միայն 1915թ. ցեղասպանության, այլև 1988թ. երկրաշարժի և 1991-1994թթ. Արցախյան պատերազմի տարիներին, երբ Սիրիայի կառավարությունը հազարավոր տոննա ցորեն էր ուղարկում շրջափակված Հայաստան:
Կոչ ենք անում՝
1. ՀՀ կառավարությանը՝ միջոցներ հատկացնել վառարաններ, վերմակներ և դեղորայք ձեռք բերելու և դրանք Սիրիա ուղարկելու համար և քաղհասարակության հետ համագործակցաբար համապատասխան կամավորներ հավաքագրել՝ դրանք մինչև փախստականների ճամբարներ հասցնելու համար:
2. Տարածքային կառավարման և զարգացման նախարարության, դրա Միգրացիոն ծառայության, Պետական գույքի կառավարման կոմիտեի, այլ պատկան մարմինների միջոցով շտապ պարզել Հայաստանում ազատ կացարանների, ինչպես նաև փախստականներին իրենց տներում ընդունելու պատրաստ քաղաքացիների թիվը: Անհրաժեշտության դեպքում՝ վերջինների համար նախատեսել օրական որոշակի փոխհատուցում:
3. Արտակարգ իրավիճակների նախարարությանը՝ տրամադրել տարածք հավաքագրվող օգնությունը պահեստավորելու համար, ապաև կազմակերպել դրա տեղափոխումը Սիրիա:
4. Հայաստանի ՏԻՄ ղեկավարներին, այդ թվում Երևանի քաղաքապետին՝ ներգրավվել անհրաժեշտ օգնության հավաքագրման գործընթացին: 5. Արտաքին գործերի նախարարությանը՝ կապ հաստատել Սիրիայի ԱԳՆ-ի և ՄԱԿ-ի փախստականների հարցերով գերագույն հանձնակատարի գրասենյակի հետ, ճշտել առավել խոցելի և ոչ բարվոք վիճակում գտնվող ճամբարներում փախստականների կարճաժամկետ և երկարաժամկետ կարիքները, նաև առաջարկել որոշ քանակի սիրիացի երեխաների և նրանց մայրերի էվակուացիա Հայաստան՝ ժամանակավոր ապաստանների տրամադրմամբ: Ընդ որում, եթե փախստականները ձմեռը անցնելուց հետո ցանկանան մնալ Հայաստանում, նախատեսել այդ հնարավորությունը:
6. Հայաստանի քաղաքացիներին՝ կազմակերպական հարցերի լուծումից հետո պատրաստ լինել հրատապ անհրաժեշտ իրեր հավաքել Սիրիայի փախստականներին ուղարկելու համար:
23 հունվարի, 2019թ.
«Ազատ քաղաքացի» քաղաքացիական նախաձեռնությունների կենտրոն Երևանի մամուլի ակումբ,
Մարտունու կանանց համայնքային խորհուրդ ՀԿ,
«Համայնքների ֆինանսիստների միավորում» ՀԿ,
«Խորան Արդ» ինտելեկտուալ կենտրոն ՀԿ,
«Զարգացման միասնական նախաձեռնություն» ՀԿ,
«Արազա» ԲՀԿ,
«Ժողովրդավարություն և ընտրական գործընթացներ» միջազգային կենտրոն ՀԿ,
«Լրագրողներ հանուն ապագայի» ՀԿ,
«ՄԱԿ-ի հայկական ասոցիացիա» ՀԿ,
Գորիսի մամուլի ակումբ,
Սպառողների խորհրդատվության կենտրոն ՀԿ,
«Հայ առաջադեմ երիտասարդություն» ՀԿ,
Վորլդ Վիժն-Հայաստան,
«Նոր սերունդ» մարդասիրական ՀԿ,
«Թիմ Ռեսուրս» ՀԿ,
Հայաստանի մանկական ասոցիացիա,
Տեղական ժողովրդավարության գրասենյակ հիմնադրամ,
Սուրբ Սանդուխտ կանանց միություն,
ՀԿ Սպառողների աջակցման կենտրոն ՀԿ,
Փոքր և միջին բիզնեսի հիմնադրամ,
Հանրային լրագրության ակումբ,
Խոսքի ազատության պաշտպանության կոմիտե,
«Իրավունքի Եվրոպա» ՀԿ,
«Էլեգիա» կրթամշակութային ՀԿ,
«Տնտեսական իրավունքի կենտոն» ՀԿ,
Աուդիո-վիզուալ լրագրողների ասոցիացիա ՀԿ,
Դիլիջանի երիտասարդների համագործակցության կենտրոն ՀԿ,
«Դիլնետ-սերվիս» կրթական ՀԿ,
Կանանց ռեսուրսային կենտրոն ՀԿ,
«Տրտու» մշակութային ՀԿ,
«Արաքս Կենտրոն» ԲՀԿ,
«Ոսկե Ծիրան» ԿԶՀ ՀԿ,
«Բիոսոֆիա» ՀԿ,
«Արծվաբույն Զեյթուն» հայրենակցական միություն,
«Ունիսոն» ՀԿ,
«Շողեր միություն» սոցիալ-կրթական ՀԿ,
«Կրթությունը ուժ է» ՀԿ,
Հելսինկյան քաղաքացիական ասամբլեայի Վանաձորի գրասենյակ,
«Խազեր» էկոլոգամշակութային ՀԿ,
Բաց հասարակության հիմնադրամներ – Հայաստան,
«Ուրբան» հիմնադրամ,
«Աստղացոլք» ՀԿ,
«Հանուն հավասար իրավունքների» ՀԿ,
Բազմակողմանի տեղեկատվության ինստիտուտ-Հայաստան,
Սպիտակի Հելսինկյան խումբ իրավապաշտպան ՀԿ,
Մեդիա նախաձեռնությունների կենտրոն,
«Միլենիում» հիմնադրամ,
«Հանուն կայուն մարդկային զարգացման» ասոցիացիա,
«Պետական կարիքների զոհեր» ՀԿ:
